Bigg Boss Marathi Day 44 : बिग बॉस मराठीच्या घरात 44 व्या दिवशी वाईल्ड कार्ड सदस्याची एन्ट्री होणार आहे. भाऊच्या धक्क्यावर रितेश देशमुखनं यंदाच्या सीझनमधील पहिल्या वाईल्ड कार्ड सदस्याचं नाव जाहिर केलं. यानंतर आज संग्राम चौगुले बिग बॉस मराठीच्या घरात प्रवेश करणार आहे. मात्र, याआधी कोण येणार याची घरातील सदस्यांना उत्सुकता लागली आहे. यातच सूरजला वाइल्ड कार्ड म्हणून घरात स्पर्धक मुलगी यायला हवी आहे.
सूरजला वाइल्ड कार्ड म्हणून घरात यायला हवी आहे मुलगी
'बिग बॉस मराठी'च्या आजच्या भागात घरात संग्राम चौगुले एन्ट्री घेताना दिसणार आहे. पण त्याआधी सूरज मात्र त्याच्या अपेक्षांबद्दल बोलताना दिसून येईल. वाइल्ड कार्ड म्हणून सूरजला घरात एक मुलगी यायला हवी आहे. त्यामुळे घरातील सदस्य त्याची चांगलीच खेचखेची करताना दिसत आहेत.
डीपी दादानं घेतली लव्ह अँगलची जबाबदारी
'बिग बॉस मराठी'च्या आजच्या भागात वैभव अंकिताला म्हणतोय की सूरज बोलतोय,"कोणीतरी मुलगी आली तर मजाच आहे". त्यावर अंकिता सूरजला म्हणते,"तू चुकीचा गेम समजत आहेस..थंड घे". त्यावर निक्की मात्र सूरजला पाठिंबा देते. दरम्यान प्रेक्षकांना लाजतानाचा सूरज पाहायला मिळेल. डीपी दादा सूरजला आश्वासन देतो की, "घरात मुलगी आली तर तिच्यासोबत तुझं प्रेमप्रकरण मी पूर्ण करून देईल".
"मी येतोय..."
'बिग बॉस मराठी'च्या घरात आज फळ्यावर 'मी येतोय' असं लिहिलेलं पाहायला मिळत आहे. त्यामुळे मी येतोय हे नक्की कोणी लिहिलं आहे आणि कोणाबद्दल लिहिलं आहे हे जाणून घेण्याची सदस्यांमध्ये कमालीची उत्सुकता निर्माण झाली आहे. मी येतोय म्हणून बिग बॉस मराठीच्या घरात एन्ट्री घेणार संग्राम चौगुले कसा खेळ खेळणार याकडे प्रेक्षकांचं आता लक्ष लागलं आहे.
महत्त्वाच्या इतर बातम्या :