Smita Shewale: अभिनेत्री स्मिता शेवाळे (Smita Shewale) ही मालिका आणि चित्रपटांमधून प्रेक्षकांच्या भेटीस येते. स्मिताचा ‘सुभेदार’   (Subhedar) हा चित्रपट काही महिन्यांपूर्वी रिलीज झाला होता. या चित्रपटात स्मिताने सावित्री मालूसरे यांची भूमिका साकारली होती. सध्या स्मिता ही तिच्या नव्या कारमुळे चर्चेत आहे. स्मिताने नुकतीच एक आलिशान कार खरेदी केली आहे. या कारचा खास व्हिडीओ स्मिताने सोशल मीडियावर शेअर केला आहे. 


स्मितानं शेअर केला व्हिडीओ


स्मितानं सोशल मीडियावर शेअर केलेल्या व्हिडीओमध्ये ती नव्या कारची पूजा करताना दिसत आहे. या व्हिडीओला तिनं कॅप्शन दिलं,'ही कार मी ढोणे किया पुणे- इथुन घेतली.  अभिजीत यांनी खूप छान सर्विस दिली. आम्ही कलाकार शूटिंगमध्ये व्यस्त असतो हे जाणून त्यांनी अगदी त्याप्रमाणे कार प्रोसेस ची सगळी काम व्यवस्थित पार पाडली कुठल्याही प्रकारचा स्ट्रेस येऊ दिला नाही. अतिशय आदरपूर्वक आणि संयमानं माझ्या सगळ्या संस्थेचं निरसन केलं त्यासाठी त्यांचे मनापासून आभार.' स्मितानं शेअर केलेल्या व्हिडीओला कमेंट करुन अनेकांनी स्मिताला नवी कार घेतल्याबद्दल शुभेच्छा दिल्या आहेत. 


पाहा व्हिडीओ:






यंदा कर्तव्य आहे या 2006 मध्ये रिलीज झालेल्या चित्रपटामधून स्मिता शेवाळेनं मराठी चित्रपटसृष्टीत पदार्पण केलं. या चित्रपटाचं दिग्दर्शन केदार शिंदे यांनी केले आहे.  मुरांबा या मालिकेत देखील स्मिता शेवाळेनं काम केलं आहे. 


स्मिताच्या सुभेदार या चित्रपटाला प्रेक्षकांची विशेष पसंती मिळाली. या चित्रपटाचे दिग्दर्शन दिग्पाल लांजेकर यांनी केले आहे.  'सुभेदार' या चित्रपटानं बॉक्स ऑफिसवर धुमकूळ घातला. सुभेदार या चित्रपटात अभिनेते अजय पुरकर (Ajay Purkar) यांनी  तानाजी मालुसरे यांची भूमिका साकारली. तर चिन्मय मांडलेकर यानं या चित्रपटात छत्रपती शिवाजी महाराज यांची भूमिका साकारली. ‘सुभेदार’ या चित्रपटामधील ‘आले मराठे आले मराठे’ आणि   'मावळं जागं झालं रं...' या गाण्यांना प्रेक्षकांची विशेष पसंती मिळाली. 


इतर महत्वाच्या बातम्या:


Digpal Lanjekar : "सह्याद्री सांगतो, पराक्रमाची गाथा"; 'सुभेदार' च्या यशानंतर दिग्पाल लांजेकरांचा ‘शिवरायांचा छावा!’ सिनेमा येणार प्रेक्षकांच्या भेटीस