Sai Kalyankar : अभिनेत्री सई कल्याणकर दख्खनचा राजा ज्योतिबा या मालिकेतून प्रेक्षकांच्या भेटीस येत होती. या मालिकेतील तिच्या चोपडाई या भूमिकेला प्रेक्षकांची पसंती मिळाली होती. अनेक मालिका आणि चित्रपटांमध्ये सईने महत्वाच्या भूमिका साकारल्या आहेत. नुकतेच सईचे साखरपुड्याचे फोटो सोशल मीडियावर व्हायरल झाले.
सईचा नुकताच प्रशांत शिवराम चव्हाण यांच्यासोबत साखरपुडा पार पडला. साखपुड्याचे फोटो सईने सोशल मीडियावर शेअर केले आहेत. प्रशांत हे डॉक्टर आहेत. प्रशांत यांनी नॅनो केमिस्ट्री विषयातून पीएचडी केली आहे. मोजक्या पाहूण्यांच्या उपस्थितीमध्ये सई आणि प्रशांत यांचा साखरपुडा पार पडला. हिरव्या रंगाची साडी, मोत्याचे दागिने आणि हिरव्या बांगड्या असा लूक सईने साखरपुड्याला केला होता. सईने शेअर केलेल्या साखपुड्याच्या फोटोला कमेंट करत तिच्या चाहत्यांनी तिला शुभेच्छा दिल्या.
कोण आहे सई कल्याणकर
तुझे नि माझे घर श्रीमंताचं, दख्खनचा राजा ज्योतिबा, बाप्पा मोरया आणि भेटी लागी जिवा या मालिकांमध्ये सईने महत्वपूर्ण भूमिका साकारली आहे. तसेच तिने अंकुश चौधरीसोबत झक्कास या चित्रपटामध्ये काम केले. सईच्या झी युवा वरील फ्रेशर्स या मालिकेतील अभिनयाला प्रेक्षकांची विशेष पसंती मिळाली होती. आम्ही पाचपुते या नाटकात सईने महत्वपूर्ण भूमिका साकारली. सईच्या लग्नाची तारिख अजून तिने जाहिर केली नाही. सई सोशल मीडियावर प्रशांत यांच्यासोबतचे रोमँटिक फोटोनेहमी शेअर करत असते.