Premachi Goshta Latest Episode : आपल्या कंपनीच्या उत्पादनासाठी सागरने मुक्ताला मॉडेलिंगसाठी विचारणा केली असली तरी मुक्ताने त्याला नकार दिला असतो. मात्र, कंपनीच्या संचालक मंडळाच्या मिटिंगमध्ये येत मुक्ता मीच मॉडेल असल्याचे सांगते. सागरला या निर्णयाचा मोठा आनंद होतो. त्यावर सावनीचा जळफळाट होतो. 'प्रेमाची गोष्ट'च्या (Premachi Goshta) आजच्या एपिसोडमध्ये मुक्ताच्या आयुष्यात वेगळं वळण येते.
आजच्या एपिसोडमध्ये काय पाहाल?
कोळी कुटुंबात आनंदाचे वातावरण आहे. मुक्ताने बनवलेल्या खीरीचे सगळे कौतुक करतात. त्यावर मॉडेलिंगला मुक्ताने नकार दिल्याने सागर टोमणे मारत असतो. मुक्ताही त्याला प्रत्युत्तर देते. मुक्ताला तयार करण्यासाठी सागरचे प्रयत्न सुरू असतात. मात्र, मुक्ता सागरला दाद देत नाही.
मुक्ताने दिले सरप्राईज
सागरच्या ऑफिसमध्ये संचालक मंडळाची बैठक सुरू होते. त्यामध्ये सावनी आपल्या मॉडेलिंगबाबतचा दावा भक्कम करते. मीच कशी योग्य आहे, असे सावनी संचालक मंडळाला सांगते. संचालक मंडळाचे इतर सदस्य दुसरी कोणतीही मॉडेल नसल्याने सागरवर सावनीसोबत करार करण्यासाठी दबाव टाकत असतात.
कोणतीही मॉडेल आली नसल्याने आणि सागरला दिलेली मुदत संपत आल्याने सावनी करारावर स्वाक्षरी करण्यासाठी सरसावते. मात्र, तेवढ्यात मुक्ताची एन्ट्री होते. त्यावर मुक्ता सावनीला सागर कोळीच्या प्रोडक्टसाठीची मॉडेल म्हणून आली असल्याचे सांगते.
सावनीचा जळफळाट
सावनी मुक्ताच्या मॉडेलिंगबाबत आक्षेप घेते. मुक्ता कशी अयोग्य मॉडेल आहे, हे पटवून देण्याचा प्रयत्न सावनी करते. मु्क्ताचा फेस व्हॅल्यू काय, असा प्रश्न करते. मुक्ता माझ्यासमोर दोन मिनिटेदेखील टिकू शकणार नाही, असे सांगते. सावनीकडून मुक्ताचा अपमान होत असल्याने सागर चिडतो. त्यानंतर सागर मुक्ता कशी योग्य आहे हे संचालक मंडळाला समजवून सांगतो.
मुक्ताची अडचण होणार का?
कंपनीचे एक संचालक मुक्ताला प्रोडक्टबद्दल माहिती देतात. या प्रोडक्टच्या जाहिरातीसाठी वेस्टर्न आउटफिट मुक्ताला परिधान करावे लागणार आहे. त्यावर मुक्ता प्रश्न करते. त्यावर आपल्या नव्या प्रोडक्टचे टार्गेट ग्राहक हे कॉर्पोरेट ग्राहक असल्याचे सांगण्यात आले. मुक्ता त्यावर आपलं विरुद्ध मत मांडते. त्यावरून आता सावनी मुक्ताला घेरण्याचा प्रयत्न करते. आता सावनी मुक्ताला काय चॅलेंज देणार, मुक्ता सावनीचे चॅलेंज स्वीकारणार का, याचा उलगडा लवकरच होईल.