Dnyaneshwar Mauli : महाराष्ट्राला संतपरंपरेचा वारसा लाभलेला आहे. त्यामुळे अनेक संतांवर आधारित मालिका प्रेक्षकांच्या भेटीला नेहमीच येत असतात. सध्या 'ज्ञानेश्वर माऊली' ही मालिका लोकप्रियतेच्या शिखरावर आहे. आता या मालिकेत पावनखिंड फेम अजय पुरकर यांची पुन्हा एकदा एन्ट्री होणार आहे.
संत ज्ञानेश्वर महारांजाची चरित्रगाथा 'ज्ञानेश्वर माऊली' या मालिकेच्या माध्यमातून उलगडण्याचा प्रयत्न केला जात आहे. अजय पुरकर यांचं काम प्रेक्षकांना आवडत होतं. यामुळेच मालिकेत त्यांची पुन्हा एकदा एन्ट्री झाल्याचे म्हटले जात आहे. अजय पुरकर यांची मालिकेत पुन्हा एकदा एन्ट्री झाल्याने मालिकेत नवीन काय पाहायला मिळणार याकडे प्रेक्षकांचे लक्ष लागले आहे.
आजही महाराष्ट्रात अनेक वारकरी, माळकरी आहेत. भक्ती संप्रदायाचे अनेक मंडळी आहेत. हा भक्तीसंप्रदाय ज्ञानेश्वर महाराजांनी रचलेला असल्याने या मालिकेचा प्रेक्षकवर्गदेखील माऊलींची चरित्रगाथा जाणणारा आहे. चिन्मय मांडलेकर यांनी या मालिकेची निर्मिती केली असून दिग्पाल लांजेकर या मालिकेचे दिग्दर्शन करत आहेत.
संबंधित बातम्या