सध्या या नाटकाची तालीम सुरु असून रंगभूमीवर गणपतरावांची भूमिका कोण करणार याकडे रसिकांचं लक्ष लागलं आहे. एबीपी माझाला मिळालेल्या विशेष बातमीनुसार ही भूमिका वठवण्याची जबाबदारी देण्यात आली आहे अभिनेते मोहन जोशी यांच्याकडे. विष्णूदास भावे पदक मिळालेले ज्येष्ठ अभिनेते मोहन जोशी या भूमिकेला न्याय देतील अशी खात्री रंगकर्मींना वाटते. तर कावेरी यांची भूमिका साकारणार आहेत, अभिनेत्री रोहिणी हट्टंगडी. नाटकाच्या तालमींना सुरुवात झाली असून, नोव्हेंबरच्या 4 तारखेला हे नाटक रंगभूमीवर आणण्याचा मानस निर्मात्यांचा आहे.
झी मराठीने यापूर्वी अष्टविनायक, जिगीषा, अद्वैत या नाट्यसंस्थांना हाताशी धरुन हॅम्लेट, अलबत्या गलबत्या ही नाटकं दिली. रसिकांनी ती तुफान उचलून धरली. आता अरण्यक हे नाटकही नव्याने रंगभूमीवर येतं आहे. त्यात दिलीप प्रभावळकर मुख्य भूमिकेत आहेत. या नाटकासह नटसम्राट हे नाटकही रंगभूमीवर आल्यानंतर हा समूह एकूण चार नाटकं नाट्यसृष्टीत चालवेल.