Mrunal Dusanis : अभिनेत्री मृणाल दुसानिस (Mrunal Dusanis) हीने अभिनयातून ब्रेक घेऊन काही वर्षांसाठी ती नवऱ्यासोबत अमेरिकेत होती. मराठी मालिकांमधील सोज्वळ सून म्हणून तिने आतापर्यंत प्रेक्षकांची मनं जिकंली आहेत. मृणाल नुकतीच जवळपास 4 वर्षांनी भारतात आली आहे. त्यानंतर आता ती स्क्रिनवर कधी दिसणार याची देखील उत्सुकता लागून राहिली आहे.
पण आता चाहत्यांची ही उत्सुकता लवकरच संपणार असून मृणाल लवकरच टिव्ही स्क्रिनवर कमबॅक करणार आहे. रिपोर्ट्सनुसार, मृणाल एका मालिकेत झळकणार असल्याची माहिती सध्या समोर येत आहे. मृणालसोबत एका व्यक्तीने एक फोटो शेअर केला आहे. त्यावर अँड वी आर बॅक ऑन सेट्स विथ मृणाल दुसानिस!" असं कॅप्शन दिलं आहे. त्यामुळे मृणाला आता कोणत्या नव्या मालिकेत झळकणार की तिची कोणत्या मालिकेत एन्ट्री होणार, याची उत्सुकता सगळ्यांना लागून राहिलीये.
बोल्ड सीन्स करण्यावर मृणालची स्पष्ट भूमिका
बोल्ड सीन्स करण्यावर मृणालने म्हटलं की, 'जशी तुम्ही एखादी व्यक्तीरेखा करता तेव्हा असं वाटतं की, ती व्यक्ती तशीच आहे. म्हणजे मी ज्या काही भूमिका केल्या आहेत, लोकांना असं वाटतं मी तशीच आहे. म्हणजे याचा अर्थ असा नाही की मी बोल्ड सीन्स करायला तयार आहे.पण कोणताही गोष्टी डिसेन्सीने दाखवायला हवी. जर ती गोष्ट डिसेन्सीने दाखवली आणि ती त्या कथेची गरजच असेल तर करायला काहीच हरकत नाही.'
मृणाल दुसानिस हिने झी मराठी वाहिनीवरील माझिया प्रियाला प्रीत कळेना या मालिकेतून सिनेसृष्टीत पदार्पण केलं. त्यानंतर छोट्या पडद्यावर मृणाल प्रेक्षकांच्या देखील तितकीच पसंतीस उतरली. तू तिथे मी, अस्सं सासर सुरेख बाई, हे मन बावरे या मालिकांमधून भेटीला आलेली ही सून प्रेक्षकांना फार आवडली.