Mrunal Dusanis : छोट्या पडद्यावरील सोज्वळ सून म्हणून अभिनेत्री मृणाल दुसानिस (Mrunal Dusanis) ही कायमच प्रेक्षकांच्या पसंतीस उतरत आली आहे. माझिया प्रियाला प्रीत कळेना या मालिकेतून मृणालने सिनेसृष्टीत पदार्पण केलं. तिच्या पहिल्याच मालिकेला प्रेक्षकांनी अक्षरश: डोक्यावर घेतलं. त्यानंतर अनेक मालिकांमधून मृणाल प्रेक्षकांच्या भेटीला आली होती. 


दरम्यान काही वर्षांपूर्वी आलेल्या कलर्स मराठी वाहिनीवरील 'हे मन बावरे' या मालिकेत मृणाल शेवटची दिसली होती. त्यानंतर तिने अभिनयातून काहीसा ब्रेक घेतला होता. मृणाल ही मागील चार वर्ष अमेरिकेत तिच्या नवऱ्यासह वास्तव्यास होती. आता ती भारतात परतली असून तिच्या कमबॅकसाठीही सज्ज झालीये. 


'या' वाहिनीवर दिसणार मृणाल दुसानिस


नुकताच स्टार प्रवाह वाहिनीवर गणेशोत्सवाचा कार्यक्रम पार पडला. या कार्यक्रमाला मृणालच्या नव्या मालिकेच्या संपूर्ण टीमने हजेरी लावली होती. त्यामुळे आता मृणाल दुसानिस ही स्टार प्रवाहवर कमबॅक करत असल्याचं निश्चित झालं आहे. काही दिवसांपूर्वी तिचा मालिकेच्या सेटवरचा एक फोटोही सोशल मीडियावर व्हायरल झाला होता. त्यानंतर मृणाल मालिकेतून कमबॅक करणार असल्याचं निश्चित झालं. 


मृणालच्या मालिकेचं नवा अद्यापही गुलदस्त्यात


मृणालच्या कमबॅकचं चॅनल जरी ठरलं असलं तरी मृणालच्या नव्या मालिकेचं नाव हे अद्यापही गुलदस्त्यात आहे. या मालिकेत मृणालसह अभिनेत्री ज्ञानदा रामतीर्थकर, ऋतुजा देशमुख, अभिनेता विवेक सांगळे, विजय आंदळकर हे कलाकरही झळकणार आहे. आता मृणालची ही नवी मालिका कोणती असणार याची उत्सुकता सध्या प्रेक्षकांना लागून राहिली आहे. 


मृणालनं 'या' मालिकांमध्ये केलं काम


मृणालनं 2010 मध्ये  प्रेक्षकांच्या भेटीस आलेल्या माझिया प्रियाला प्रीत कळेना या मालिकेमध्ये काम केलं. या मालिकेत तिनं साकारलेल्या शमिका या भूमिकेला प्रेक्षकांची विशेष पसंती मिळाली. त्यानंतर तिनं तू तिथे मी या मालिकांमध्ये देखील काम केलं. या मालिकांमधील तिच्या अभिनयाला प्रेक्षकांची पसंती मिळाली. तसेच  श्रीमंत दामोदर पंत या चित्रपटात तिनं काम केलं. त्यानंतर 2015 मध्ये अस्सं सासर सुरेख बाई या मालिकेमध्ये मृणालनं काम केलं. 2016 मध्ये मृणालनं निरज मोरेसोबत लग्न केलं. त्यानंतर मृणालनं अभिनयक्षेत्रामधून ब्रेक घेतला होता. नंतर तिनं 2018 मध्ये 'सुखाच्या सरींनी हे मन बावरे' या मालिकेमधून तिनं कमबॅक केलं. 2018 ते 2020 दरम्यान या मालिकेनं प्रेक्षकांचे मनोरंजन केलं. 


ही बातमी वाचा : 


Bigg Boss Marathi Season 5 : बिग बॉसच्या घरात टीम C? ग्रुपमधून बाहेर पडल्यानंतर निक्कीची अभिजीतसोबत हातमिळवणी