Mazhi Tuzhi Reshimgath Marathi Serial : 'माझी तुझी रेशीमगाठ' (Mazhi Tuzhi Reshimgath) ही छोट्या पडद्यावरील लोकप्रिय मालिका आहे. पण गेल्या काही दिवसांपासून ही मालिका टीआरपीच्या शर्यतीत मागे पडली असून आता ही मालिका प्रेक्षकांचा निरोप घेणार आहे.
'माझी तुझी रेशीमगाठ'चा आज प्रदर्शित होणार 450 वा भाग
'माझी तुझी रेशीमगाठ' ही मालिका लवकरच प्रेक्षकांचा निरोप घेणार आहे. या मालिकेने (Marathi Serial) आतापर्यंत 450 भागांचा टप्पा पार केला आहे. मालिका सुरू झाल्यापासून या मालिकेची प्रेक्षकांमध्ये चांगलीच क्रेझ होती. प्राइम टाईमला ही मालिका प्रेक्षकांच्या भेटीला येत होती. पण आता मालिकेची वेळ बदलल्यानंतर या मालिकेचा टीआरपी घसरला. अखेर निर्मात्यांनी ही मालिका बंद करण्याचा निर्णय घेतला आहे.
अनुष्काला आठवणार आपला भूतकाळ?
पतीपासून वेगळी राहणारी, स्वत:ला एक मुलगी असलेली नेहा आणि उच्चशिक्षित, गडगंच श्रीमंत यश यांची लव्हस्टोरी 'माझी तुझी रेशीमगाठ' या मालिकेत दाखवण्यात येत होती. मालिकेत नेहाला विसर पडल्याने ती तिचं आयुष्य एका वेगळ्यात घरात घालवत होती. त्या घरातल्यांनी तिचं नाव अनुष्का असं ठेवलं होतं. आता मालिकेच्या आगामी भागात अनुष्काला आपला भूतकाळ आठवलेला पाहायला मिळणार आहे.
'माझी तुझी रेशीमगाठ' या मालिकेत प्रार्थाना बेहेरे (Prarthana Behere) आणि श्रेयस तळपदे (Shreyas Talpade) मुख्य भूमिकेत आहेत. प्रार्थनाने गेल्या काही दिवसांपूर्वी एक खास व्हिडीओ शेअर केला होता. व्हिडीओ शेअर करत तिने लिहिलं होतं,"शूटिंगचा शेवटचा दिवस". या व्हिडीओमध्ये प्रार्थना लाल रंगाच्या साडीमध्ये रस्त्यावर पळताना दिसत आहे.
'माझी तुझी रेशीमगाठ' ही मालिका प्रेक्षकांच्या पसंतीस उतरली होती. टीआरपीच्या शर्यतीतदेखील ही मालिका अव्व्ल ठरली होती. पण गेल्या काही काही दिवसांपूर्वी ही मालिका टीआरपीच्या शर्यतीत मागे पडली असून या आठवड्यात मालिकेला फक्त 1.6 रेटिंग मिळाले आहे.
संबंधित बातम्या