Marathi Serial Trp Rating Latest Update : मराठी मालिका (Marathi Serial) विश्वात सध्या नवनवीन प्रयोग होत असतात. प्रेक्षकांना मालिकेत खिळवून ठेवण्यासाठी निर्माते सतत मालिकेत नवीन ट्विस्ट आणत असतात. मालिकांसोबतच मालिकांच्या टीआरपी रेटिंगकडेदेखील प्रेक्षकांचे लक्ष लागलेले असते. टीआरपी रिपोर्टमध्ये अनेकदा चढ-उतार पाहायला मिळत असतो. नुकताच या आठवड्याचा टीआरपी रिपोर्ट समोर आला आहे. टॉप 10 मालिका कोणत्या आहेत, जाणून घ्या...
1. टीआरपीच्या शर्यतीत 'ठरलं तर मग' ही मालिका पहिल्या क्रमांकावर आहे. या मालिकेला 6.8 रेटिंग मिळाले आहे.
2. 'आई कुठे काय करते' ही मालिका सध्या लोकप्रियतेच्या शिखरावर असून ही मालिका टीआरपीच्या रेसमध्ये दुसऱ्या स्थानावर आहे. या मालिकेला 6.6 रेटिंग मिळाले आहे.
3. टीआरपी लिस्टमध्ये 'सुख म्हणजे नक्की काय असतं' ही मालिका तिसऱ्या स्थानावर आहे. या मालिकेला 6.4 रेटिंग मिळाले आहे.
4. 'रंग माझा वेगळा' ही मालिका टीआरपी रिपोर्टनुसार चौथ्या स्थानावर आहे. या मालिकेला 6.3 रेटिंग मिळाले आहे.
5. 'तुझेच मी गीत गात आहे' हा कार्यक्रम टीआरपीच्या शर्यतीत पाचव्या स्थानावर आहे. टीआरपी रिपोर्टनुसार या मालिकेला 6.1 रेटिंग मिळाले आहे.
6. 'ठिपक्यांची रांगोळी' ही मालिका सहाव्या क्रमांकावर आहे. या मालिकेला 5.7 रेटिंग मिळाले आहे.
7. टीआरपीच्या शर्यतीत 'सहकुटुंब सहपरिवार' ही मालिका सातव्या क्रमांकावर आहे. या मालिकेला 5.2 रेटिंग मिळाले आहे.
8. 'स्वाभिमान' ही मालिका टीआरपी रिपोर्टमध्ये आठव्या क्रमांकावर आहे. या मालिकेला 4.9 रेटिंग मिळाले आहे.
9. नव्या स्थानावर 'अबोली' ही मालिका आहे. या मालिकेला 4.3 रेटिंग मिळाले आहे.
10. 'मी होणार सुपरस्टार जल्लोष ज्युनियर्सचा' हा कार्यक्रम टीआरपीच्या शर्यतीत दहाव्या क्रमांकावर आहे. या मालिकेला 4.0 रेटिंग मिळाले आहे.
'झी मराठी' करतयं काय?
मालिका विश्वात गेल्या काही दिवसांपासून वेगवेगळे प्रयोग होत आहे. प्रत्येक वाहिनी आपल्या मालिका प्रेक्षकांच्या पसंतीस पडाव्या यासाठी वेगवेगळे प्रयत्न करत आहे. यात स्टार प्रवाह अग्रेसर आहे. कलर्स मराठी मात्र मागे पडलं आहे. दुसरीकडे या शर्यतीत झी मराठीची मालिका मात्र 18 व्या क्रमांकावर आहे. झी मराठीची 'नवा गडी नवं राज्य' ही मालिका 18 व्या क्रमांकावर असून या मालिकेला 2.3 रेटिंग मिळाले आहे. आता टीआरपीच्या शर्यतीत अव्वल येण्यासाठी वाहिणीने अवधूत गुप्तेच्या 'खुपते तिथे गुप्ते' या कार्यक्रमाचं नवं पर्व सुरू करण्याचा निर्णय घेतला आहे.
संबंधित बातम्या