Majhi Tujhi Reshimgath: छोट्या पडद्यावरची ‘माझी तुझी रेशीमगाठ’ (Majhi Tujhi Reshimgath) या मालिकेला प्रेक्षकांचा उदंड प्रतिसाद लाभला आहे. या मालिकेने अल्पावधीतच प्रेक्षकांची मने जिंकून घेतली आहेत. या मालिकेतील चौधरी कुटुंब प्रेक्षकांच्या पसंतीस उतरलं आहे. मात्र, आता या मालिकेत एक धक्कादायक वळण येणार आहे. नुकताच मालिकेचा नवा प्रोमो सोशल मीडियावर शेअर करण्यात आला आहे. हा प्रोमो पाहून चाहत्यांना देखील मोठा धक्क बसला आहे. मालिकेत आता नेहा आणि यशचा मोठा अपघात होणार आहे.


सगळं काही सुरळीत सुरु असताना आता चौधरी कुटुंबावर मोठं संकट कोसळणार आहे. या संकटामुळे चौधरी कुटुंब उद्ध्वस्त होणार आहे. मालिकेतील या अनपेक्षित वळणामुळे चाहते देखील स्तब्ध झाले आहेत. मालिकेत आता नेहा आणि यशचा मोठा अपघात होणार आहे. केवळ नेहा आणि यशच नाही तर, घरी मिथिलावर देखील एक मोठं संकट कोसळणार आहे.


पाहा प्रोमो :



या प्रोमो व्हिडीओमध्ये मिथिला यश आणि नेहाला शोधताना दिसत आहे. तर, यश आणि नेहा हे कामानिमित्ताने घराबाहेर गेले आहेत. मिथिला घरात काम करणाऱ्या एका व्यक्तीकडे तिच्या हातातील भांडं देते आणि पुढे जाणार इतक्यात तिचा पाय घसरतो आणि ती खाली पडते. तर, यावेळी गर्भवती असलेल्या मिथिलाच्या पोटात टेबल लागल्यामुळे तिचे बाळ दगावते. अनेक वर्षांच्या प्रतिक्षेनंतर चौधरी कुटुंबात आलेला हा आनंद या अपघातात हिरावला गेला आहे. हीच बातमी नेहा आणि यशला फोनवर सांगताच त्या धक्क्यामुळे यशचं गाडीवरील नियंत्रण सुटतं आणि त्यांचा देखील मोठा अपघात होतो. या अपघातात नेहा कारमधून खाली दरीत पडते. तर, यशदेखील जखमी होतो. आता पुढे नेमकं काय वळण येणार याकडे प्रेक्षकांचे लक्ष लागून राहिले आहे.


प्लीज नेहा-यशला एकमेकांपासून दूर करून नका!


मालिकेचा हा प्रोमो पाहून चाहत्यांना देखील धक्का बसला आहे. चाहते या मालिकेवर भरभरून प्रेम करतात. आता सोशल मीडियावर हा प्रोमो प्रचंड व्हायरल होत आहे. तर, चाहते देखील यावर जोरदार कमेंट्स करत आहेत. तर, काही चाहते मालिकेच्या निर्मात्यांना विनंती देखील करत आहेत. ‘प्लीज नेहा आणि यशला एकमेकांपासून दूर करू नका’, ‘नेहाची स्मृती गेलीये आणि ती यशला विसरली असे दाखवू नका. काहीतरी चांगलं दाखवा, असं वाईट बघायची सवय नाही. नेहा आणि यशला वेगळं झालेलं आम्ही पाहून शकणार नाही. नेहा-यश आणि परी यांच्यामुळेच मालिका बघावीशी वाटते’, असे म्हणत चाहते आपल्या मनातील भावना व्यक्त करत आहेत.


संबंधित बातम्या


Mazhi Tuzhi Reshimgath : 'माझी तुझी रेशीमगाठ' मालिका घेणार प्रेक्षकांचा निरोप; चाहते नाराज, म्हणाले...