Majhi Tujhi Reshimgath : चौधरींच्या पॅलेसवर भावी सुनेचं आगमन होणार, नेहा-यशचं नातं आणखी बहरणार!

Majhi Tujhi Reshimgath : 'माझी तुझी रेशीमगाठ'च्या आगामी भागात नेहा यशच्या घरी त्याची होणारी बायको म्हणून जाणार आहे.

Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) या मालिकेत रोमॅंटिक वळण आले आहे. मालिकेत सध्या यश आणि नेहाचं नातं बहरताना दिसत आहे. माझी तुझी रेशीमगाठ ही प्रेक्षकांची आवडती मालिका आहे. 

'माझी तुझी रेशीमगाठ'च्या आगामी भागात प्रेक्षकांना नेहाचे नवे रुप दिसणार आहे. नेहा यशची होणारी बायको म्हणून चौधरींच्या पॅलेसवर जाणार आहे. पॅलेसवर यशची सिम्मी काकू नेहाचे स्वागत कसे करणार याकडे प्रेक्षकांचे लक्ष लागले आहे.

नेहाला परी नावाची लहान मुलगी असल्याचे सत्य यशच्या आजोबांना कळल्यावर आजोबा काय प्रतिक्रिया देणार याकडेही प्रेक्षकांचे लक्ष लागले आहे. सिम्मी काकू यश आणि नेहाच्या लग्नात अडचणी निर्माण करतील का? असे अनेक प्रश्न प्रेक्षकांना पडत आहेत. 

 श्रेयस तळपदे (Shreyas Talpade) आणि  प्रार्थना बेहरे (Prarthana Behere) 'माझी तुझी रेशीमगाठ' या मालिकेत मुख्य भूमिकेत आहेत. तसेच या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका साकारणारी मायरा वायकुळने (Mayra Vaikul) आपल्या निरागस अभिनयाने प्रेक्षकांच्या मनावर राज्य केले आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha