Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही मालिका सध्या लोकप्रियतेच्या शिखरावर आहे. मालिकेतील यश आणि नेहाच्या जोडीला प्रेक्षकांची चांगलीच पसंती मिळत आहे. सध्या मालिकेत एक नवा ट्विस्ट आला आहे. अखेर आजोबांनी नेहा आणि परीचा स्वीकार केला आहे. त्यामुळे नेहा आणि यशचा साखरपुडा लवकरच पार पडणार आहे.
अखेर आजोबांनी केला नेहा आणि परीचा स्वीकार
नेहा यशचा साखरपुडा लवकरच पार पडणार आहे. साखरपुड्यासाठी दोघांनीही पारंपारिक लूक केला आहे. यशने नुकतेच आजोबांना परीबद्दलचे सत्य सांगितले आहे. त्यामुळे मालिका आता रोमॅंटिक वळणावर पोहोचली आहे. सिम्मी अनेकदा मालिकेत कारस्थान करताना दिसून आली आहे. आजोबा नेहा आणि परीचा स्वीकार करणार नाहीत असे सिम्मीला वाटत होते. पण अखेर आजोबांनी नेहा आणि परीचा स्वीकार केला आहे.
यश-नेहाचा पार पडणार साखरपुडा
'माझी तुझी रेशीमगाठ' या मालिकेत लवकरच यश-नेहाचा साखरपुडा पार पडणार आहे. त्यांच्या साखरपुड्याचे फोटो सध्या सोशल मीडियावर व्हायरल होत आहेत. या फोटोत यश, परी आणि नेहा तिघेही दिसून येत आहेत. साखरपुड्यादरम्यान नेहा आणि यशने पारंपारिक लूक केलेला दिसून येत आहे.
श्रेयस तळपदे (Shreyas Talpade) आणि प्रार्थना बेहरे (Prarthana Behere) 'माझी तुझी रेशीमगाठ' या मालिकेत मुख्य भूमिकेत आहेत. तसेच या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका साकारणारी मायरा वायकुळने (Mayra Vaikul) आपल्या निरागस अभिनयाने प्रेक्षकांच्या मनावर राज्य केले आहे.
नेहा मालिकेच्या सेटवर परतली
मालिकेत नेहाची भूमिका साकारणारी प्रार्थना बेहेरे तिच्या नवऱ्यासोबत लंडनला फिरायला गेली होती. त्यामुळे नेहा मालिकेत दिसणार नाही, असे म्हटले जात होते. पण प्रार्थना जरी लंडनला गेली असली तरी नेहा मात्र प्रेक्षकांच्या भेटीला आली आहे. मालिकेत नेहा लंडनला गेलेली दाखवली असल्याने नेहा व्हिडीओ कॉलच्या माध्यमातून परीसोबत संवाद साधताना दिसून आली होती.
संबंधित बातम्या