Maharashtrachi Hasyajatra : 'महाराष्ट्राची हास्यजत्रा' (Maharashtrachi Hasyajatra) हा छोट्या पडद्यावरील लोकप्रिय विनोदी कार्यक्रम आहे. या कार्यक्रमाने फक्त महाराष्ट्रातीलच नाही तर जगभरातील प्रेक्षकांची मने जिंकली आहेत. आता हा लोकप्रिय कार्यक्रम प्रेक्षकांचा निरोप घेणार आहे.
'महाराष्ट्राची हास्यजत्रा' (Maharashtrachi Hasyajatra) या कार्यक्रमामुळे अनेक नवोदित कलाकार रातोरात स्टार झाले आहेत. हास्यजत्रेच्या पहिल्या भागापासूनच प्रेक्षकांनी हा कार्यक्रम डोक्यावर घेतला आहे. या कार्यक्रमातील अनेक जोड्या प्रेक्षकांच्या पसंतीस उतरल्या आहेत. पण लोकप्रियतेच्या शिखरावर पोहोचलेला हा कार्यक्रम आता प्रेक्षकांचा निरोप घेणार आहे. या कार्यक्रमाच्या शेवटच्या भागाचं शूटिंगदेखील पूर्ण झालं आहे.
कलाकारांच्या पोस्टमुळे रंगली चर्चा; चाहते नाराज
'महाराष्ट्राची हास्यजत्रा' या कार्यक्रमातील प्रियदर्शनी इंदलकर, रसिरा वेंगुर्लेकर आणि गौरव मोरे या कलाकारांनी सोशल मीडियावर शूटिंगच्या शेवटच्या दिवसाचे फोटो शेअर केले आहेत. सेटवरचा फोटो शेअर करत प्रियदर्शनीने लिहिलं आहे,"दोन महिन्यांनंतर भेटू". रसिका वेंगुर्लेकरने लिहिलं आहे,"शेवटच्या शेड्युलचा शेवटचा दिवस...या माझ्या अतरंगी मित्रांबरोबरचे शेवटचे काही क्षण".
रसिका वेंगुर्लेकरने सेटवरचा एक फोटो शेअर करत लिहिलं आहे,"काळजी करू नका... 'महाराष्ट्राची हास्यजत्रा' बंद होत नाही आहे. आम्ही 'महाराष्ट्राची हास्यजत्रा'ची संपूर्ण टीम छोटीशी सुट्टी घेत आहोत. लवकरच येऊ तुमच्या भेटीला". 'महाराष्ट्राची हास्यजत्रा' या कार्यक्रमाचा या आठवड्यात शेवटचा भाग प्रसारित होणार आहे. जुलै महिन्याच्या शेवटच्या आठवड्यात हा कार्यक्रम पुन्हा सुरू होऊ शकतो. या कार्यक्रमातील समीर चौघुले , विशाखा सुभेदार, नम्रता संभेराव, दत्तू मोरे, गौरव मोरे, प्रसाद खांडेकर आणि वनिता खरात या कलाकारांच्या अभिनयाला प्रेक्षकांची पसंती मिळाली आहे.
'महाराष्ट्राची हास्यजत्रा'ची जागा घेणार 'हा' कार्यक्रम
'महाराष्ट्राची हास्यजत्रा' या लोकप्रिय कार्यक्रमाची जागा आता 'कोण होणार करोडपती' (Kon Honar Crorepati) हा कार्यक्रम घेणार आहे. 'कोण होणार करोडपती' 29 मेपासून सोमवार ते शनिवार रात्री 9 वाजता सोनी मराठीवर, असं म्हणत कोण होणार करोडपती'चा नवा प्रोमो आऊट करण्यात आला आहे. त्यामुळे येत्या 29 मेपासून प्रेक्षकांना 'कोण होणार करोडपती' हा कार्यक्रम पाहायला मिळणार आहे. आता सचिन खेडेकर यांच्या 'कोण होणार करोडपती'च्या नव्या पर्वाची चाहत्यांना उत्सुकता आहे.
संबंधित बातम्या