सोमवारी पहाटे झालेल्या रेल्वे अपघातामध्ये प्रफुल्ल कैलास भालेरावला प्राण गमवावे लागले. मुंबईत मालाडजवळ प्रफुल्लला अपघात झाल्याची माहिती आहे.
झी मराठी वाहिनीवर गाजलेल्या 'कुंकू' मालिकेत त्याने जानकीचा भाऊ गण्याची भूमिका साकारली होती. या व्यक्तिरेखेमुळे प्रफुल्लचा चेहरा घराघरात पोहचला होता.
कलर्स वाहिनीवरील 'तू माझा सांगती', आवाज- ज्योतिबा फुले, 'स्टार प्रवाह'वरील नकुशी मालिकेतील त्याच्या भूमिकाही लोकप्रिय झाल्या होत्या. नुकताच प्रदर्शित झालेल्या 'बारायण'मध्येही तो झळकला होता.
याशिवाय काही चित्रपट, मालिकांमध्ये काम करुन त्याने स्वतःची जागा निर्माण केली होती.