Jhalak Dikhhla Jaa 10: बॉलिवूडमधील प्रसिद्ध अभिनेता सिद्धार्थ मल्होत्रा (Sidharth Malhotra) आणि अभिनेत्री कियारा आडवाणी (Kiara Advani) यांच्या डेटिंगच्या चर्चा सध्या सोशल मीडियावर सुरु आहेत. दोघेही आपलं नातं लपवण्याचा प्रयत्न करत नाहीत, पण अनेकदा हे लव्ह बर्ड्स एकत्र फिरताना आणि एकमेकांसोबत चांगला वेळ घालवताना दिसले आहेत. दोघेही पुढच्या वर्षी लग्नबंधनात अडकणार आहेत,असं म्हटलं जात आहे. नुकतीच सिद्धार्थनं झलक दिखला जा (Jhalak Dikhhla Jaa) या कार्यक्रमामध्ये हजेरी लावली. या कार्यक्रमात सिद्धार्थला करण जोहरनं एक प्रश्न विचारला. या प्रश्नाला उत्तर देताना सिद्धार्थनं हटके रिअॅक्शन दिली.
झलक दिखला जा शोमध्ये सिद्धार्थ हा त्याच्या थँक गॉड या चित्रपटाचं प्रमोशन करण्यासाठी आला होता. त्यावेळी करण हा सिद्धार्थ आणि कियारा यांच्या रिलेशनशिपबाबत विचारतो. तो म्हणतो, "हमने सुना है की आज कल आपकी रातां कुछ ज्यादा ही लंबियां हो गई है .. क्या ये सच है?" यावर सिद्धार्थ उत्तर देतो, "रांझा हूं तो होंगी ही" सिद्धार्थच्या या रिअॅक्शननं अनेकांचे लक्ष वेधले.
रब ने बना दी जोडी हे टायटल कोणाला मिळेल?
करण सिद्धार्थला पुढे विचारतो, “जर तुला रब ने बना दी जोडी हे टायटल कोणाला द्यायचं असेल तर ते तू कोणाला देणार? दीपिका पदुकोण, कतरिना कैफ की कियारा अडवाणी?" करणचा प्रश्न ऐकून सिद्धार्थ आश्चर्यचकित झाला आहे, तो प्रोमोमध्ये ब्लश करताना दिसत आहे. या प्रश्नाचं उत्तर सिद्धार्थ काय देतो? याकडे सर्वांचे लक्ष लागले आहे.
वाचा इतर महत्त्वाच्या बातम्या: