Bigg Boss Marathi New Season : बिग बॉस मराठीच्या घरात कॅप्टन्सी कार्यात मोठा राडा झाल्याचं पाहायला मिळालं आहे. जादुई हिऱ्याच्या कॅप्टन्सी कार्यात निक्की आणि आर्या यांच्यात धक्काबुक्की झाली. यानंतर आर्याने निक्कीच्या कानशिलात लगावली. बिग बॉस मराठीमध्ये हिंसा झाल्यामुळे घरातील महत्त्वाचा नियम मोडला गेला आहे. यामुळे आता बिग बॉस आर्याला मोठी शिक्षा देणार आहे.
प्रेक्षकांचा आर्याला पाठींबा, अरबाज निशाण्यावर
बिग बॉस मराठीचाा नवीन प्रोमो समोर आला आहे. आजच्या भागातील नवीन प्रोमोमध्ये बिग बॉस आर्याला शिक्षा सुनावणार असं दाखवण्यात आल आहे. प्रोमोमध्ये बिग बॉस' म्हणत आहेत, "घरात आर्या आणि निक्की यांच्यामध्ये एक निंदनीय घटना घडली. आर्या यांनी हे निंदनीय कृत्य करुन बिग बॉसच्या मुलभूत नियमांचं उल्लंघन केलं आहे. त्यामुळे बिग बॉस आर्या यांना आता शिक्षा ठोठावत आहे." त्यामुळे बिग बॉस आर्याला नेमकी काय शिक्षा सुनावतात, याकडे प्रेक्षकांचं लक्ष लागलं आहे.
'आर्या अभिनंदन तमाम महाराष्ट्राची इच्छा पूर्ण केलीस'
दरम्यान, एकीकडे निक्कीवर हात उचलल्यामुळे आर्याला बिग बॉस शिक्षा देणार आहेत, तर दुसरीकडे नेटकऱ्यांचा आर्या पाठिंबा मिळताना दिसत आहे. बिग बॉस प्रेमी आर्याच्या पाठीशी उभे असल्याचं पाहायला मिळत आहे. आर्याने नियम मोडल्यामुळे तिला शिक्षा होणार असेल, तर अरबाजनेही नियम मोडलाय, त्यालाही शिक्षा व्हायला हवी, असं नेटकरी म्हणत आहेत. अरबाजनेही अभिजीतला धक्काबुक्की केली आणि जान्हवीचा हात पिरगळला.
'आर्याला शिक्षा करायचीय, तर अरबाजलाही करा'
बिग बॉसप्रेमींची मागणी
एकाने कमेंटमध्ये लिहिलंय, "आर्या अभिनंदन तमाम महाराष्ट्राची इच्छा पूर्ण केलीस!". दुसऱ्याने म्हटलंय, "अरबाजने जान्हवीचा आणि पंढरीचा हात पिरगळला". तसेच "अभिजीतला पण जोरात धक्का दिला. त्याला पण शिक्षा झाली पाहिजे". तिसऱ्याने म्हटलंय, "आर्याला जर शिक्षा झाली तर अरबाज निक्की आणि जान्हवीला पण व्हायला पाहिजे". आणखी एकाने लिहिलंय, "जर आर्या चुकीची ठरली असेल तर, अरबाजचा पण ताबा सुटला होता. त्यानेही अभिजितला चुकीच्या पद्धतीने धक्का दिला आहे, त्याला शिक्षा करा.आम्ही काय डोळे झाकून बिग बॉस बघत नाही, नाहीतर ॲक्शन रिप्लेमध्ये आर्याची चापट दाखवा".
महत्त्वाच्या इतर बातम्या :