Ghum Hai Kisi Key Pyaar Meiin Ayesha Singh Rejected Arjun Bijlani Show : छोट्या पडद्यावरील लोकप्रिय अभिनेत्री आयशा सिंह (Ayesha Singh) सध्या चर्चेत आहे. 'गुम है किसी के प्यार में' या मालिकेत ती सईच्या भूमिकेत आहे. या मालिकेच्या माध्यमातून आयशाला चांगलीच लोकप्रियता मिळाली आहे. या मालिकेनंतर तिला आता आणखी एका मालिकेसाठी विचारणा झाल्याचं समोर आलं आहे.
गेल्या काही दिवसांपूर्वी आयशा सिंह 'गुम है किसी के प्यार में' ही मालिका सोडणार असल्याची चर्चा होती. वीस वर्षांच्या लीपमुळे आयशा सिंह, बल्कि हर्षद अरोडा आणि नील भट्ट हे कलाकार 'गुम है किसी के प्यार में' या मालिकेला रामराम ठोकणार असल्याची चर्चा होती. पण आता एका नव्या मालिकेसाठी आयशाला विचारणा झाल्याचं म्हटलं जात आहे.
मीडिया रिपोर्टनुसार, आयशा सिंहला अर्जुन बिजलानीच्या मालिकेसाठी विचारणा झाली आहे. अर्जुनच्या मालिकेचं झी टीव्हीवर प्रसारण होत आहे. तर 'बेहद', 'राधा मोहन' आणि 'इश्क सुभान अल्लाह' सारख्या सुपरहिट मालिकांचे निर्माते या मालिकेची निर्मिती करत आहेत. पण तरीही आयशाने ही मालिका करण्यास नकार दिला आहे.
आयशा सिंहच्या सूत्रांनी दिलेल्या माहितीनुसार,"आयशाने विचारणा होताच लगेचच अर्जुन बिजलानीसोबत मालिका करण्यास नकार दिला आहे. सध्या ती 'गुम है किसी के प्यार में' मालिकेचं शूटिंग करत आहे. एका मालिकेनंतर लगेचच दुसरी मालिका करणं शक्य नसल्याने तिने या मालिकेला नकार दिला आहे. आयशाच्या या निर्णयाचे चाहते समर्थन करत आहेत पण नेटकऱ्यांनी मात्र निशाणा साधला आहे.
'गुम है किसी के प्यार में'मध्ये येणार नवा ट्विस्ट
आयशा सिंह 15 जूनला 'गम है किसी के प्यार में'चा शेवटचा एपिसोड शूट करणार आहे. नुकतचं हर्षद अरोराने या मालिकेतून निरोप घेतला आहे. लीपनंतर आता विनायक आणि सावीची गोष्ट प्रेक्षकांना पाहायला मिळणार असल्याचा अंदाज वर्तवला जात आहे. या नव्या ट्वीस्टची प्रेक्षकांना उत्सुकता आहे.
संबंधित बातम्या