Jasmine Bhasin Botox And Fillers Rumours : टीव्ही इंडस्ट्रीमधील प्रसिद्ध चेहरा म्हणजे अभिनेत्री जॅस्मिन भसीन. तिचे हजारो चाहते आहेत. जॅस्मिन सोशल मीडियाच्या माध्यमातून प्रेक्षकांसोबत जोडलेली असते. जॅस्मिन सध्या कोणत्या मालिकेत दिसत नसली, तरी तिच्या नटखट आणि अल्लड स्वभावाने तिच्या प्रेक्षकांच्या मनात वेगळी छाप पाडली आहे. जॅस्मिन भसीन छोट्या पडद्यासोबत पंजाबी चित्रपटसृष्टीतील प्रसिद्ध अभिनेत्री आहे. जॅस्मिन सोशल मीडियावर चाहत्यांसोबत फोटो आणि व्हिडीओ शेअर करत असते. तिच्या एका व्हिडीओमध्ये नेटकऱ्यांनी काही फरक जाणवला आहे, ज्यावरुन आता चर्चांना उधाण आलं आहे.
अभिनेत्रीचा सुजलेला चेहरा पाहून नेटकरी भडकले
अभिनेत्री जॅस्मिन भसीन एकीकडे बॉयफ्रेंड अली गोनीसोबत तिच्या रिलेशनशिपमुळे चर्चेत असतानाच आता तिचा एक व्हिडीओ सोशल मीडियावर व्हायरल होत आहे. या व्हिडीओमध्ये तिला ओळखणं अनेक चाहत्यांना काहीसं कठीण जात आहे. या व्हिडीओमध्ये जॅस्मिन पूर्णपणे वेगळी दिसत आहे. या व्हिडीओमध्ये तिच्या चेहऱ्यामध्ये काही बदल झाल्यासारखं वाटत असून तिला ओळखताही येत नाही. यावरुन आता तिने बोटॉक्स आणि फिलर केल्याची चर्चा सुरु झाली आहे.
बोटॉक्स अन् फिलर केल्याची चर्चा
बॉलिवूड सेलिब्रिटी चांगलं दिसण्यासाठी प्लास्टिक सर्जरी करतात, तर काही जण बोटॉक्स आणि फिलरचा पर्याय निवडतात. छोट्या पडद्यावरील अनेक अभिनेत्रींनीही प्लास्टिक सर्जरी, बोटॉक्स आणि फिलर केले आहेत. आता जॅस्मिन भसीनचा बदललेला अवतार पाहता तिनेही बोटॉक्स आणि फिलरस केल्याची चर्चा रंगली आहे. जॅस्मिन भसीनने बोटॉक्स आणि फिलर केल्याच्या सोशल मीडियावर चर्चा सुरु झाल्या आहेत.
जस्मिन भसीनचे चाहते नाराज
अभिनेत्री जस्मिन भसीनचे चाहते तिच्या सौंदर्यावर फिदा आहेत. असं असताना तिचा बदललेला चेहरा पाहून तिचे चाहते नाराज झालं आहेत. अलीकडेच जस्मिनच्या चाहत्यांनी तिच्या चेहऱ्यावर बोटॉक्स आणि फिलर केल्याचा दावा केला आहे. जस्मिनने तिच्या इंस्टाग्राम अकाऊंटवर एक व्हिडीओ शेअर केला आहे, ज्यामध्ये ती पिवळ्या रंगाच्या ड्रेसमध्ये एथनिकमध्ये दिसत आहे. या व्हिडीओमध्ये तिचा चेहरा सुजल्यासारखा वाटत आहे, यामुळे जॅस्मिनने बोटॉक्स आणि फिलर केल्याचा दावा केला जात आहे.
पाहा जॅस्मिन भसीनचा बदललेला अवतार