Kushal Badrike : मराठी चित्रपट आणि मालिकांमधून प्रेक्षकांच्या भेटीस येणारा अभिनेता कुशल बद्रिके (Kushal Badrike) हा सोशल मीडियावर विविध पोस्ट शेअर करत असतो. कुशल हा 'चला हवा येऊ द्या' (Chala Hawa Yeu Dya) या कार्यक्रमामधून प्रेक्षकांच्या भेटीला येतो. तो त्याच्या विनोदी शैलीनं प्रेक्षकांची मनं जिंकते. नुकताच कुशलनं एक खास व्हिडीओ शेअर केला आहे. त्याच्या या व्हिडीओनं अनेकांचे लक्ष वेधले आहे.
कुशलनं नुकताच एक व्हिडीओ सोशल मीडियावर शेअर केला आहे. या व्हिडीओमध्ये तो शायरी सादर करताना दिसत आहे. तो म्हणतो,
'ये दुनिया बडी जालीम है हर राज छुपाना पडता है, दिल में कितना ही गम हो, महफिल में मुस्कुराना पडता हैं'
कुशलनं त्याचा शायरीचा व्हिडीओ शेअर करुन कॅप्शनमध्ये लिहिलं, “भाऊ कदम” आणि “मी” बऱ्याचदा आमच्या दोघांचीच मैफल रंगते. तशी आमच्या मैत्रीला बरीच वर्ष झाली पण आजही आमचा प्रवास एकत्रच होतो. रात्री 3/4 ला packup करुन निघाल्यानंतर प्रवासात भाऊ आणि माझी मैफिल सुरू होते सोबतीला कधी गुलाम अली साहेब, मेहदी हसन साहेब कधी पंकज उदास कधी जगजीत सिंगजी कधी हरिहरन कधी लता ताई कधी साब्री ब्रदर्स अशी असंख्य दिग्गज आमच्या सोबत गाडीत असतात…. काल मात्र रात्री 4:30 ला “शेरो-शायरी” ची बैठक बसली “वीर गुर्जर” साहेबां सोबत. त्याची ही छोटीशी झलक"
पाहा व्हिडीओ:
भाऊ कदम आणि कुशल बद्रिके या दोघांचाही विनोदी अंदाज प्रेक्षकांना आवडतो. दोघेही 'चला हवा येऊ द्या' या कार्यक्रमामध्ये काम करतात. तसेच त्यांनी पांडू या चित्रपटात देखील काम केलं आहे. या चित्रपटामधील भाऊ आणि कुशलच्या अभिनयाला प्रेक्षकांची पसंती मिळाली. ‘रावरंभा’ या चित्रपटात देखील कुशलनं काम केलं.
कुशल हा इन्स्टाग्रामवर विविध पोस्ट शेअर करतो. त्याच्या सोशल मीडिया पोस्ट नेटकऱ्यांचे लक्ष वेधत असतात. कुशलला इन्स्टाग्रामवर 322K फॉलोवर्स आहेत. कुशलच्या आगामी चित्रपटांची प्रेक्षक उत्सुकतेने वाट बघत असतात.
हेही वाचा :