मुंबई : प्रेमासाठी सीमेपलिकडे भारतात दाखल झालेल्या सीमा हैदर (Seema Haider) ला चांगलीच प्रसिद्धी मिळाली आहे. सीमा सोशल मीडियावर (Social Media) कधी डान्सचे (Seema Haider Dance), तर कधी सचिन (Sachin Meena) सोबत प्रेमाचे व्हिडीओ शेअर करत असते. सीमाचे काही डान्स व्हिडीओ चांगलेच व्हायरल होत असतात. पाकिस्तानातून चार मुलांसह भारतीय प्रियकर सचिनसाठी पळून आलेली सीमा हैदर सोशल मीडियावर कायम चर्चेत असते. एवढंच काय तर आता छोट्या पडद्यावर प्रसिद्ध रिॲलिटी शो 'बिग बॉस' (Bigg Boss) मधून सीमा हैदरला ऑफर आली आहे.
सीमा हैदरला 'बिग बॉस 17' ची ऑफर
सीमा हैदर (Seema Haider) ने दावा केला आहे की, छोट्या पडद्यावरील शोमधून तिला आणि सचिन मीनाला अनेक ऑफर आल्या आहेत. रिॲलिटी शो 'बिग बॉस'मधून तसेच कॉमेडी कार्यक्रमांसाठीही ऑफर आल्याचा दावा सीमा हैदरने केला आहे. सीमाने सोशल मीडियावर व्हिडीओ शेअर करत याबाबत माहिती दिली आहे.
पाकिस्तानी सीमा हैदरला छोट्या पडद्यावर झळकणार?
सीमा हैदरला रिअॅलिटी शो बिग बॉस (Bigg Boss) आणि कॉमेडी कार्यक्रमांमध्ये (Comedy Show) हजेरी लावण्याच्या ऑफर मिळाल्या आहेत. सीमा हैदरने सोशल मीडियावर एका व्हिडीओमध्ये छोट्या पडद्यावरील ऑफरचा उल्लेख केला आहे. सीमाने सांगितलं की, रिअॅलिटी शो बिग बॉस आणि कॉमेडी कार्यक्रमांमध्ये सहभागी होण्यासाठी तिला ऑफर आली आहे. पण तिला सध्या कोणत्याही शोमध्ये सहभागी होण्याची इच्छा नाही. जर कोणत्या शोमध्ये जाण्याचा निर्णय घेतला, तर याबाबत सोशल मीडियाद्वारे माहिती देईल, असंही तिने सांगितलं आहे.
सीमा हैदर अवैधरित्या भारतात दाखल
ऑनलाईन पबजी गेम खेळताना पाकिस्तानी सीमा हैदर आणि सचिन मीना यांची ओळख झाली. सचिनच्या प्रेमासाठी सीमा हैदर चार महिन्यांपूर्वी नेपाळमार्गे अवैधरित्या भारतात आली होती. तेव्हापासून सीमा हैदर आणि सचिन मीना यांची लव्हस्टोरी चर्चेत आहे. सोशल मीडियावर सीमा हैदर नेहमीच चर्चेत असते. सीमा हैदरला भारतात चांगलीच प्रसिद्धी मिळाली आहे. त्यामुळे तिच्या बातम्या, व्हिडीओ किंवा पोस्ट चर्चेत राहतात आणि व्हायरल होतात. सीमा आणि सचिनला चित्रपटाचीही ऑफर आली होती. त्यामुळे आता सीमा हैदर छोट्या पडद्यावर झळकणार की मोठ्या पडद्यावर हे येत्या काळातच समजेल.
महत्वाच्या इतर बातम्या :