Bigg Boss Marathi Season 5 : बिग बॉस मराठीच्या घरात या आठवड्यात वातावरण तापल्याचं पाहायला मिळालं. या आठवड्यात बिग बॉसच्या घरात घडलेल्या टास्कमध्ये मोठा राडा पाहायला मिळाला. आर्या आणि निक्कीमध्ये टास्कमध्ये धक्काबुक्की झाली. यानंतर आर्याने निक्कीच्या कानाखाली मारली. यानंतर आता निक्की आर्याला घराबाहेर काढण्याची मागणी करत आहे. यानंतर आता आर्या घराबाहेर जाणार का असा प्रश्न प्रेक्षकांना पडला आहे.
आर्या बिग बॉसच्या घराबाहेर जाणार?
आर्याने निक्कीच्या कानाखाली मारल्यानंतर आता बिग बॉसच्या घरातून बाहेर काढणार का असा प्रश्न नेटकऱ्या पडला आहे. आज बिग बॉस मराठी भाऊच्या धक्क्यावर रितेश भाऊ काय निर्णय घेणार याकडे सर्वांचं लक्ष लागलं आहे. आर्याने निक्कीच्या कानाखाली मारल्यानंतर बिग बॉसने आर्याला जेलची शिक्षा दिली. यानंतर बिग बॉसने सांगितलं की, आर्याला काय शिक्षा द्यायची याचा अंतिम निर्णय भाऊच्या धक्क्यावर होईल.
आज रितेश भाऊ आर्याला घराबाहेर काढणार?
भाऊच्या धक्क्यावर आज रितेश भाऊ आर्याला काय शिक्षा देणार याकडे महाराष्ट्राचं लक्ष लागलं आहे. आर्याने बिग बॉसच्या घरातील निर्णय मोडला असला तरी नेटकरी मात्र आर्याला पाठिंबा देताना दिसत आहेत. यावर एका नेटकऱ्याने कमेंट करत म्हटलंय, "निकीला मारल्याबद्दल आर्या आपले मनापासून अभिनंदन". दुसऱ्याने लिहिलंय, "आर्याला जर घराबाहेर काढलं तर बिग बॉस बघणं बंद करू." तिसऱ्याने लिहिलंय, "आभार मान आर्याचे फक्त मुस्काट मारली आहे, खर तर तुला खाली लोळवल पाहीजे आर्याने". आणखी एकाने लिहिलंय, "आर्या तू जिंकलीस आता तुला ट्रॉफी नाही भेटली तरी, चालेल पण तू जे निक्कीला मारलं आहेस, झपाटलेली निक्की बाई."
आर्याला घराबाहेर काढलं तर बिग बॉस बघणं बंद, प्रेक्षकांची भूमिका
महत्त्वाच्या इतर बातम्या :