Bigg Boss Marathi Season 5 Day 48 : यंदाच्या 'बिग बॉस मराठी'च्या सीझनमध्ये (Bigg Boss Marathi New Season) टास्क आणि प्रत्येक आठवड्यानुसार घरातील समीकरणांमध्ये बदल होत आहेत. बिग बॉस घरात कधीकाळी मैत्रिणी असणार्‍या जान्हवी किल्लेकर (Jahnavi Killekar) आणि निक्की तांबोळी (Nikki Tamboli) आता एकमेकींच्या विरोधात आल्याचे चित्र आहे. निक्कीच्या सांगण्यावरून अरबाजने कॅप्टन्सीच्या उमेदवारीतून बाद केल्याने जान्हवी निक्कीवर चांगलीच संतापली आहे. आता, बिग बॉसच्या घरात दोघींमध्ये जोरदार वादाचा भडका उडणार आहे.
बिग बॉसच्या घरात कधी काय होईल याचा काही अंदाज नाही. या घरातील सदस्यांची नात्याची समीकरणं ही नेहमी बदलताना दिसतात. निक्की तांबोळी आणि जान्हवी किल्लेकरची घट्ट मैत्री सुरुवातीचे काही दिवस प्रेक्षकांना पाहायला मिळाली. पण नंतर त्यांच्या मैत्रीत फूट पडली. आता त्यांच्यात जोरदार वादावादी झालेली दिसणार आहे.
कॅप्टनसीवरुन निक्की आणि जान्हवीमध्ये जोरदार भडका उडाला आहे. आजच्या एपिसोडमध्ये दोघींमध्ये जोरदार शा‍ब्दिक वादावादी झाली. नव्या प्रोमोमध्ये जान्हवी निक्कीला म्हणतेय,"दम असेल तर मला बाहेर काढून दाखव..चॅलेंज आहे". त्यावर निक्की म्हणते,"कॅप्टनसीमधून तिला काढलं याचा राग आलाय तिला". जान्हवी पुढे म्हणते,"या घरात सगळ्यांना तू घाण झाली आहेस" असल्याचे जान्हवी निक्कीला सुनावते.
अरबाज आणि वैभवमध्ये जान्हवीबद्दल चर्चा
दरम्यान, कॅप्टनपदाच्या उमेदवारीतून जान्हवीने बाद केल्याने अरबाज तिच्यावर चांगलाच संतापला आहे. वैभवला अरबाज म्हणतोय,"आता तू माझं दुसरं रूप बघशील. जान्हवीने माझ्यावर आरडाओरडी केली. टास्कदरम्यान तिने मला खूप इरिटेड केलं आहे. मला खूप काही बोलली. जान्हवी आपल्यासाठी खेळतेय हे माझ्या मनात आलं नाही". वैभव पुढे अरबाजला सांगतो जान्हवीने माझ्यासाठी खेळण्याला होकार दिला होता असे सांगतो. त्यावर अरबाज पुढे म्हणतो,"वैभवला उडवायचं असं ती सगळ्यांना म्हणाली होती".