Bigg Boss Marathi 3 : आज बिग बॉस मराठीच्या घरात रंगणार 'नॉक आऊट' हे नॉमिनेशन कार्य

Bigg Boss Marathi 3 : बिग बॉसच्या घरात आज 'नॉक आऊट' हे नॉमिनेशन कार्य पार पडणार आहे.

Bigg Boss Marathi 3 : बिग बॉस मराठीच्या घरामध्ये आता उरले आहेत टॉप 8 सदस्य. बिग बॉसच्या घरातून दादूस म्हणजेच संतोष चौधरींना घराबाहेर पडावे लागले. 'नॉक आऊट' या नॉमिनेशन कार्यामध्ये सदस्य ज्या स्पर्धकाला नॉमिनेट करू इच्छितात त्या स्पर्धकाच्या नावाचे पुस्तक पटकावायचे आहे. बिग बॉस मराठीच्या घरामध्ये आज मीरा, उत्कर्ष आणि जय यांची एका खास विषयावरून चर्चा रंगणार आहे. 

बिग बॉस मराठीच्या घरामध्ये अगदी पहिल्या आठवड्यापासून दोन ग्रुप खूप चर्चेमध्ये राहिले. या सदस्यांनी बिग बॉसने दिलेले टास्क गाजवले. तसेच बिग बॉसचे घर दणाणूनदेखील सोडले. जय, उत्कर्ष, मीरा आणि गायत्री या ग्रुपमधील सदस्यांमध्ये देखील वादावादी झाली. आता मात्र गायत्री आणि मीरामध्ये झालेल्या जोरदार भांडणामुळे त्या दोघींमध्ये फुट पडली आहे. दुसरीकडे विशालसोबत विकास आणि मीनल नाराज आहेत. त्यामुळे विशाल घरामध्ये एकटा पडला आहे. त्याचबाबतीत विकास आणि मीनल यांची सोनालीसोबत चर्चा होताना आज दिसणार आहे.

बिग बॉस मराठीच्या घरामध्ये आज पार पडणार आहे 'नॉक आऊट' हे नॉमिनेशन कार्य. टॉप 8 पर्यंत पोहचल्यामुळे स्पर्धा अधिकच कठीण होत जाणार आहे. आता प्रत्येक सदस्य स्वत:ला कसं वाचवता येईल यावर लक्ष केंद्रीत करताना दिसणार आहेत. आज टास्क दरम्यान विकास, सोनाली आणि मीनल चर्चा करताना दिसणार आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha