Abdu Rozik Eviction Fans Reactions : छोट्या पडद्यावरील बिग बॉस 16 हा रिअॅलिटी शो सध्या अनेक कारणांमुळे चर्चेत आहे. सध्या हा शो चर्चेत आहे तो ताजिकिस्तानचा गायक अब्दू रोजिक या सदस्यामुळे. अब्दू हा या सीझनचा सर्वात लाडका स्पर्धक मानला जातो. त्याला प्रेक्षकांचे भरभरून प्रेम मिळाले आहे. दरम्यान, मिळालेल्या माहितीनुसार असे दिसून आले आहे की, या आठवड्यात अब्दूला वीकेंड का वारमध्ये बिग बॉसमधून बाहेर काढण्यात येणार आहे. सोशल मीडियावर या बातमीने अब्दूचे चाहते संतापले आहेत.
सर्वात आवडता स्पर्धक अब्दू रोजिक
अब्दू रोजिक हा बिग बॉस 16 या शो मध्ये सर्वांचा आवडता स्पर्धक आहे. अब्दू रोजिक हा YouTuber आणि गायक आहे, अब्दूचे सोशल मीडियावर खूप मोठे चाहते आहेत. अब्दू बॉलिवूड सुपरस्टार सलमान खानचा चाहता आहे, आणि अब्दूला भारतातही खूप प्रेम मिळाले आहे. टिकच्या दुनियेतून बाहेर पडून अब्दूने बिग बॉस शोमध्ये प्रवेश केला आणि परदेशी असूनही त्याने आपल्या निरागसतेने भारतातील लोकांची मने जिंकली. तो सर्वाधिक पसंतीचा स्पर्धक आहे. अशा परिस्थितीत अब्दूला अचानक शोमधून काढून टाकण्यात आल्याने चाहत्यांचा संताप दिसून येत आहे.
ट्विटरवर चाहते अब्दुसाठी बिग बॉस शो न पाहण्याची धमकी देत आहेत.
एका चाहत्याने लिहिले की, अब्दूचे बिग बॉसमधून जाणे निश्चित आहे, मग आम्ही शो का पाहावा?
अब्दूला शोमधून काढून टाकल्याबद्दल ट्विटरवर यूजर्स दु:ख व्यक्त करत आहेत, यूजर्सचे म्हणणे आहे की अब्दूला घरातून बाहेर पडताना पाहणे कठीण होईल.
अब्दू शोमध्ये परत येणार का?
सलमान खानने वीकेंड का वारमध्ये खुलासा केला की, अब्दू रोजिकला शोमधून बाहेर जावे लागेल. कलर्स टीव्हीने त्याचा प्रोमोही इंस्टाग्राम अकाउंटवर शेअर केला आहे. अब्दू घरातून बेघर झाल्याचे ऐकताच अब्दूच्या डोळ्यांत अश्रू आले. त्याने कुटुंबातील सर्व सदस्यांना मिठी मारली आणि बिग बॉसमधून रडत बाहेर आला. मात्र, मिळालेल्या सूत्रांच्या माहितीनुसार, अब्दू रोजिकला वैद्यकीय कारणांमुळे बिग बॉस सोडावे लागणार आहे.
महत्त्वाच्या बातम्या :