Katrina Kaif in BB 15: सलमान खानच्या बिग बॉसमध्ये या आठवड्यात बॉलिवूड अभिनेत्री कतरिना कैफ आणि दिग्दर्शक रोहित शेट्टीने उपस्थिती लावली. हे दोघेही त्यांच्या आगामी 'सूर्यवंशी' सिनेमाच्या प्रमोशनसाठी बिग बॉसमध्ये आले होते. 'बिग बॉस 15' चा कार्यक्रम आणखी रंगतदार करण्यासाठी सलमान खानदेखील मजा-मस्ती करताना दिसून आला. सध्या एक प्रोमो सोशल मीडियावर प्रचंड व्हायरल होत आहे. कतरिना त्यात सलमान खानची विचारपूस करत त्याच्यावर आरोपदेखील करत आहे.
व्हिडीओमध्ये कतरिना रोहित शेट्टीला म्हणते, सलमान सेटवर नेहमी उशीरा येतो. कतरिनाने केलेले आरोप सलमान खानने मान्य केले आहेत. सलमान खान कतरिनासाठी 'ओ मेरे दिल के चेन' हे गाणे म्हणतानादेखील दिसून येत आहे. गाणं म्हणताना सलमान डान्स करत असल्याने कतरिनाला हसू अनावर झाले आहे.
Bigg Boss Marathi 3: कोण घेणार आज बिग बॉसच्या घरातून निरोप
'बिग बॉस 15' मध्ये दिसून आली कतरिना कैफ
फिकट निळ्या रंगाची शिफॉन साडी आणि कपाळावर टिकली अशा देसी लूकमध्ये कतरिना दिसून आली. कतरिनाने तिचे फोटो सोशल मीडियावर शेअर केले आहेत. त्यावर चाहत्यांचा कमेंट्सचा पाऊस पडत आहे. साडीत कतरिनाची स्टनिंग फिगर दिसून येत आहे. कपाळावर असलेली टिकली, हातात बांगड्या आणि कानातल्यां रिंगमुळे कतरिनाच्या लूकला चार चाँद लागले आहेत. कतरिना बिग बॉसमध्ये तिच्या एक्स बॉयफ्रेंडसोबत म्हणजेच सलमान खानसोबत दिसून आली. ब्रेकअपनंतरदेखील कतरिना आणि सलमानची मैत्री टिकून आहे.
बिग बॉसच्या मंचावर सलमानने दिली रोहित शेट्टीला कबुली
रोहित शेट्टीने सलमान खानला घेऊन सिनेमा करण्याचे जाहीर केले आहे. तेव्हा बिग बॉस 15 च्या जाहीर कार्यक्रमात सलमान खान रोहित शेट्टीला नाही म्हणू शकला नाही. त्यामुळेच सलमान रोहित शेट्टीच्या नव्या चित्रपटासाठी चाहतेदेखील उत्सुक आहेत.