Archana Gautam Injured IN Khatron Ke Khiladi 13 : रोहित शेट्टीच्या (Rohit Shetty) 'खतरों के खिलाडी 13' (Khatron Ke Khiladi 13) या सिनेमाचं सध्या दक्षिण आफ्रिकेत शूटिंग सुरू आहे. या लोकप्रिय कार्यक्रमात छोट्या पडद्यावरील अनेक कलाकार सहभागी झाली आहेत. गेल्या काही दिवसांपूर्वी या कार्यक्रमाच्या शूटिंगला सुरुवात झाली असून अनेक स्पर्धक स्टंटदरम्यान जखमी झाले आहेत. आता अभिनेत्री अर्चना गौतमदेखील (Archana Gautam) धोकादायक स्टंट करताना जखमी झाली आहे.
अर्चना गौतम शूटिंगदरम्यान जखमी
अर्चना गौतमचा एक फोटो सोशल मीडियावर व्हायरल होत आहे. या फोटोमध्ये तिच्या चेहऱ्यावर जखम झालेली दिसत आहे. अर्चनाला ही जखम 'खतरों के खिलाडी 13'च्या शूटिंगदरम्यान स्टंटबाजी करताना झाली आहे. अर्चनाने सोशल मीडियावर तिचा फोटो शेअर करत लिहिलं आहे,"खतरों के खिलाडी'ची पहिली झलक". अर्चनाचा हा फोटो पाहिल्यानंतर चाहते चिंता व्यक्त करत आहेत. अर्चनाची जखम लवकरात लवकर ठिक व्हावी यासाठी चाहते प्रार्थना करत आहेत.
'खतरों के खिलाडी 13'च्या शूटिंगदरम्यान स्पर्धक जखमी
'खतरों के खिलाडी 13'च्या शूटिंगदरम्यान स्टंटबाजी करताना अनेक स्पर्धक जखमी झाले आहेत. अर्चना गौतमआधी ऐश्वर्या शर्मा, अर्जित तनेजा, रोहित रॉय, नायरा बॅनर्जी आणि सौंदस मौफकीर हे स्पर्धक जखमी झाले आहेत. अर्चना गौतम आता 'खतरों के खिलाडी 13'चं शूटिंग पूर्ण करणार की हा खेळ इथेच थांबवणार याकडे प्रेक्षकांचं लक्ष लागलं आहे.
'खतरों के खिलाडी 13'मध्ये 'या' स्पर्धकांचा सहभाग (Khatron Ke Khiladi 13 Contestant)
'खतरों के खिलाडी 13'मध्ये छोट्या पडद्यावरील अनेक स्पर्धक सहभागी झाले आहेत. अर्चना गौतम, अंजुम फकीह, रोहित बोस राय, डेजी शाह, शिव ठाकरे, अंजली आनंद, नायरा एम बॅनर्जी, रुही चतुर्वेदी, ऐश्वर्या शर्मा, अर्जित तनेजा, शीझान खान, डिनो जेम्स, रश्मीत कौर आणि सौंदस मौफकीर या स्पर्धकांचा समावेश आहे.
अर्चना गौतम ही छोट्या पडद्यावरील लोकप्रिय अभिनेत्री असून 'बिग बॉस 16'च्या माध्यमातून ती घराघरांत पोहोचली आहे. त्यानंतर तिला रोहित शेट्टीच्या 'खतरों के खिलाडी 13'साठी विचारणा झाली. 'खतरों के खिलाडी 13'चं शूटिंग सुरू झाल्यानंतर अर्चना आणि शिव ठाकरे यांच्यात वाद झाले होते.
संबंधित बातम्या