मुंबई : टीव्ही अभिनेत्री अनिता हसनंदानी (Anita Hassanandani) आणि रोहित रेड्डी यांच्या घरी नव्या पाहुण्याचं आगमन झालं आहे. मंगळवारी अनिताने एका मुलाला जन्म दिला. अनिताचा पती रोहित रेड्डीने याबाबत माहिती दिली. रोहितने त्याच्या इंस्टाग्राम अकाऊंटवर एका फोटो शेअर केला आहे. स्वतःचा आणि अनिताचा फोटो शेअर करताना रोहितने 'मुलगा झाला' असं कॅप्शन लिहिलं आहे. रोहितने पोस्ट शेअर अनेकांनी दोघांचंही अभिनंदन केलं. अनीता हसनंदानी हिने ऑक्टोबर 2020 मध्ये ती गरोदर असल्याची बातमी तिच्या चाहत्यांना सांगितली होती.
अनिताने एक व्हिडिओ शेअर केला होता आणि सांगितलं होतं की मी लवकरच आई होणार आहे. अनिताने यानंतर तिच्या प्रेग्नन्सीचा संपूर्ण प्रवास चाहत्यांसोबत सोशल मीडियावर शेअर केला होता.
काही दिवसांपूर्वीच अनिताने तिच्या गरोदरपणाबद्दल सांगितले होते की, मी आता ट्रायमिस्टरमध्ये आहे. डिलिवरीची तारीख लवकरच येणार आहे. मी खूप उत्साही, चिंताग्रस्त आणि तणावात आहे. याक्षणी बऱ्याच संमिश्र भावना माझ्या मनात येत आहेत. जीवनाच्या या नवीन टप्प्यासाठी मी उत्साहित आणि सज्ज आहे. मी बेबीच्या आगमनाची आतुरतेने वाट पाहत आहे, असं अनिताने म्हटलं होतं.
अनिताने 2013 मध्ये बिझनेसमन रोहित रेड्डीशी लग्न केलं होतं. अनिताने बर्‍याच चित्रपट आणि टीव्ही कार्यक्रमांमध्ये काम केले आहे. एकता कपूरच्या शो 'नागीन' मधील तिच्या भूमिकेला चांगलीच पसंती मिळाली होती. अनिताचं फिल्मी करिअर काही खास नव्हतं, पण टीव्ही इंडस्ट्रीमध्ये आपली छाप सोडण्यात तिला यश आले आहे. अनिता मोहब्बतें, काव्यांजली, क्यो की सास भी कभी बहू थीं, कसम अशा टीव्ही सीरियल्सचा भाग राहिली आहे.