Aai Kuthe Kay Karte: आई कुठे काय करते (Aai Kuthe Kay Karte) मालिकेचं कथानक सध्या अतिशय रंजक वळणावर येऊन पोहोचलं आहे. या मालिकेतील कलाकारांच्या अभिनयामुळे आणि कथानकामुळे ही मालिका सध्या प्रेक्षकांच्या मनावर अधिराज्य गाजवत आहे. आई कुठे काय करते मालिकेच्या नुकत्याच एका एपिसोडमध्ये अरुंधती आणि आशुतोष यांनी लग्नगाठ बांधली आहे. अरुंधती आणि आशुतोष यांनी लग्न केल्याने आता काही प्रेक्षक या मालिकेला ट्रोल करत आहे. या मालिकेमध्ये अभिनेत्री मधुराणी प्रभुलकर (Madhurani Prabhulkar) या अरुंधती ही भूमिका साकारतात. नुकतीच मधुराणी यांनी एक खास पोस्ट शेअर केली आहे. त्यांच्या या पोस्टनं अनेकांचे लक्ष वेधले.
मधुराणी प्रभुलकर यांची पोस्ट
आई कुठे काय करते मालिकेत अरुंधती आणि आशुतोष यांच्या लग्नाचा विशेष भाग दाखवण्यात आला. या मालिकेमधील लूकचे काही फोटो मधुराणी यांनी त्यांच्या इन्स्टाग्राम अकाऊंटवर शेअर केले. या फोटोला त्यांनी कॅप्शन दिलं, 'अरुंधतीचं लग्न....हे व्हावं की नाही... ? या वयात लग्न करावं का...? केलं तर ते इतकं साजरं करावं का? अशी विविध स्तरावर समाजात चर्चा झाली, होतेय.'
"अनेकांना ह्यात आनंद होतोय तर काही जणांना मान्य होत नाहीये. पण मला नक्की असं वाटतं की, कुणाही एकट्या व्यक्तीला कोणत्याही वयात आपल्याला आवडलेल्या व्यक्तीबरोबर लग्न करण्याचा अधिकार आहे. ते प्रौढ वयात होतंय, किंवा दुसरेपणाचं आहे म्हणून लपून छपून, साधेपणाने करावं असं का? लग्न आहे ते... साजरं करावं. हा इतका प्रागतिक विचार करणाऱ्या आमच्या वाहिनीचे स्टार प्रवाहचे आणि आमच्या प्रोजेक्ट हेड नमिता नाडकर्णीचे आणि दिग्दर्शक रवींद्र करमरकर यांचे खरोखर धाडस आहे आणि अतिशय कौतुकास्पद आहे," असंही मधुराणी प्रभुलकर यांनी पोस्टमध्ये लिहिलं.
आई कुठे काय करते या मालिकेमध्ये अनिरुद्ध देशमुख ही भूमिका अभिनेते मिलिंद गवळी हे साकारतात. तर संजना ही भूमिका अभिनेत्री रुपाली भोसले ही साकारते.
वाचा इतर महत्वाच्या बातम्या:
Milind Gawali 'अल्ला सुद्धा तिचं सगळं ऐकायचे...'; आई कुठे काय करते मालिकेतील मिलिंद गवळींची पोस्ट