Tamil actor and film critic Satyendra passes away: मनोरंजन विश्वातून एक दु:खद बातमी समोर येत आहे. प्रसिद्ध अभिनेते आणि चित्रपट समीक्षक सत्येंद्र (Satyendra) यांचं निधन झालं आहे. वैद्यकीय गुंतागुंतीमुळे त्यांनी अखेरचा श्वास घेतला (Entertainment) असल्याची माहिती आहे. या बातमीने तामिळ सिनेइंडस्ट्रीसह यूट्यूब कम्युनिटीमधे खळबळ उडाली आहे. मिळालेल्या माहितीनुसार, गेल्या काही काळापासून सत्येंद्र यांची तब्येत बिघडली होती. प्रकृती अस्वस्थतेने ते प्रचंड त्रस्त होते. मिळालेल्या माहितीनुसार, आज चेन्नईतील रोयापेट्टा येथील शासकीय रुग्णालयात त्यांनी अखेरचा श्वास घेतला. पोलिसांनी त्यांच्या निधनाच्या बातमीला दुजोरा दिला आहे.
प्रसिद्ध अभिनेते आणि चित्रपट समीक्षकांचे रुग्णालयात निधन (Actor and popular film critic Satyendra passed away)
मुळचे बंगळूरूतील रहिवासी सत्येंद्र हे केवळ चित्रपटातील अभिनयासाठीच नव्हे तर, यूट्यूबवरील त्यांच्या अनोख्या सिनेमा समीक्षेच्या शैलीसाठीही ओळखले जात होते. टाइम्स ऑफ इंडियाच्या वृत्तानुसार, चेन्नईच्या रोयापेट्टा येथील शासकीय रुग्णालयात उपचार सुरु असताना सत्येंद्र यांचे निधन झाले. दरम्यान, सिनेमा विकेटनला मिळालेल्या माहितीनुसार, प्रशासन सध्या बंगळूरुमधील त्यांच्या नातेवाईकांशी संपर्क साधण्याचा प्रयत्न करत आहे. अद्याप कुटुंबातील कुणीही रुग्णालयात उपस्थितीत राहिले नसून, त्यांचा मृतदेह रुग्णालयाच्या शवगृहात ठेवण्यात आला आहे.
सोशल मीडियात नेटकऱ्यांकडून सत्येंद्र यांना भावपूर्ण श्रद्धांजली (Popular YouTube Film Reviewer Satyendra Died)
सत्येंद्र यांच्या निधनाची बातमी सोशल मीडियात व्हायरल झाली असून, अनेक सिनेचाहते आणि यूट्यूबर्सनी त्यांना श्रध्दांजली वाहिली आहे. दरम्यान, सत्येंद्र यांच्या निधनानंतर त्यांच्या कुटुंबावर दु:खाचा डोंगर कोसळला आहे.
सत्येंद्र यांनी आपल्या कारकिर्दीत बऱ्याच सिनेमांमध्ये काम केलं आहे. सत्येंद्र यांनी अनेक दूरदर्शन मालिकांमध्येही काम केलं आहे. तसेच काही सिनेमांमध्ये खलनायिकाचीही भूमिका साकारली आहे. त्यांना खरी ओळख यूट्यूबमधून मिळाली. यूट्यूबवरील त्याच्या चित्रपट समीक्षणांमुळे ते अधिक लोकप्रिय झाले. सिनेमांचे रिव्ह्यू देण्याची शैली प्रेक्षकांनी आवडली होती. त्यांनी शेवटी 'Karuppu' या सिनेमाचे रिव्ह्यू दिले होते.
ABP माझाच्या बातम्या LIVE..