Sunny Deol On Pakistan: बॉलिवूड अभिनेता (Bollywood Actor) सनी देओलचा (Sunny Deol) आगामी सिनेमा 'बंटवारा 1947' (Bantwara 1947) अनाउंस झाल्यापासूनच चर्चेत आहे. अलिकडेच एका कार्यक्रमादरम्यान, पाकिस्तानशी संबंधित प्रश्नावर भाष्य करणं टाळणंच सनी देओलनं योग्य मानलंय. रविवारी सिनेमाच्या प्रमोशनसाठी (Bantwara 1947 Promotional Event) सनी देओल पाटण्यात आलेला, त्यावेळी एका पत्रकारानं त्याला पाकिस्तानमधील (Pakistan) सध्याच्या परिस्थितीवर प्रतिक्रिया देण्यास सांगितलं, तेव्हा सनी देओलनं सावध पवित्रा घेतल्याचं पाहायला मिळालं.

Continues below advertisement

दिग्दर्शक राजकुमार संतोषी (Director Rajkumar Santoshi) यांचा 'बटवारा 1947' हा फाळणीनंतरच्या काळातील पार्श्वभूमीवर आधारित एक इमोशनल सिनेमा (Emotional Cinema) असून, तो 14 ऑगस्ट रोजी प्रदर्शित होणार आहे. सनी देओल आपला मुलगा करण देओल याच्यासोबत सिनेमाचा जोरदार प्रचार करतोय, याच मोहिमेचा भाग म्हणून त्यानं नुकतीच बिहारची राजधानी पाटणा इथे भेट दिली आणि तिथे माध्यमांशी संवादही साधला. 

Continues below advertisement

सनी देओलनं दिली माध्यमांच्या प्रश्नांना उत्तरं (Sunny Deol Comment On Pakistan)

सनी देओलनं त्याच्या 'बंटवारा 1947' (Bantwara 1947) सिनेमाच्या पत्रकार परिषदेदरम्यान माध्यमांच्या प्रश्नांना उत्तरं दिली. जेव्हा त्याला पाकिस्तानबद्दल भाष्य करण्यास सांगण्यात आलं, तेव्हा त्यानं तसं करण्यास नकार दिला. सनी देओलनं स्पष्ट केलं की, तो एक स्टोरीटेलर आहे आणि त्याला अजिबातच राजकारणात पडायचं नाही.

पाकिस्तानबद्दल बोलताना 68 वर्षांचा अभिनेता म्हणाला की, "बघा, मला त्या सर्व गोष्टींच्या खोलात जायचं नाही, आम्ही कलाकार आहोत, आम्ही सिनेमे बनवतो. आम्ही कथा निवडतो आणि त्यातून आशय मांडतो. आम्ही त्या गोष्टींचं राजकारण करत नाही, आणि आम्हाला ते करायचंही नाही. म्हणूनच मी त्या विषयावर (पाकिस्तानवर) बोलणार नाही..."

बाबा म्हणायचे, भारत ही माझी आई आणि पाकिस्तान ही माझी मावशी... : सनी देओल 

सनी देओलला माध्यमांनी विचारलं की, भारत आणि पाकिस्तानच्या फाळणीवर आधारित असलेल्या या सिनेमाचं शुटिंग शेजारच्या देशात झालेलं का? यावर स्पष्टीकरण देताना तो म्हणाला, "नाही, याचं शुटिंग तिथे (पाकिस्तानमध्ये) झालेलं नाही, हा सिनेमा पूर्णपणे भारतातच शूट करण्यात आलाय. आम्ही अशा भावनांचा अतिविचार करत नाही, कारण संपूर्ण राष्ट्र एकेकाळी एकच होतं. माझे वडील नेहमी म्हणायचे, "भारत ही माझी आई आहे आणि पाकिस्तान ही माझी मावशी आहे..." तुम्हाला हे सर्व माहीतच आहे. जरी आपण सध्या एकमेकांशी जोडलेले नसलो, तरी मुळात आपण एकच आहोत..."

दरम्यान, 'पार्टिशन: 1947' (Partition: 1947) सिनेमाबद्दल बोलायचं तर, बॉलिवूडची डिम्पल गर्ल प्रिती झिंटा रुपेरी पडद्यावर कमबॅक करतेय. त्याव्यतिरिक्त या सिनेमात शबाना आझमी, अली फजल आणि अभिमन्यू सिंह यांसारखे कलाकारही महत्त्वपूर्ण भूमिकांमध्ये आहेत.

महत्त्वाच्या इतर बातम्या :

Bollywood Actor Jugal Hansraj Struggle Life: कधीकाळचा नॅशनल क्रश, निळ्याशार डोळ्यांचा तो एक राजहंस; आपल्या लूक्सनी शाहरुख-सलमानलाही द्यायचा टक्कर, रेखा यांच्यासोबतच्या फोटोतल्या सुपरस्टारला ओळखलंत?