Sunil Grover : कॉमेडियन आणि अभिनेता सुनील ग्रोव्हर (Sunil Grover) हे ग्लॅमर विश्वातील एक मोठे नाव आहे. विनोदी मालिकांपासून ते बॉलिवूड चित्रपट आणि OTT प्लॅटफॉर्मवर सुनील ग्रोव्हरने आपल्या अभिनयाच्या जोरावर आपली स्वतःची जागा निर्माण केली आहे. अभिनेता 'द कपिल शर्मा शो' पासून प्रेक्षकांमध्ये खूप लोकप्रिय होता. सुनील ग्रोवर कॉमेडियन कपिल शर्माचा शो 'द कपिल शर्मा शो'मध्ये 'डॉक्टर मशूर गुलाटी' आणि 'गुत्थी'च्या भूमिकेत दिसला होता.


‘डॉक्टर मशूर गुलाटी, 'गुत्थी' या पात्रांमुळे सुनील ग्रोव्हर घरोघरी लोकप्रिय झाला. 'द कपिल शर्मा शो'च्या प्रत्येक एपिसोडसाठी सुनील ग्रोव्हरला मोठ्या रकमेची ऑफर देण्यात आली होती. मीडिया रिपोर्ट्सनुसार, सुनीलला प्रत्येक एपिसोडसाठी 10 ते 12 लाख रुपये देण्यात आले होते.


वादानंतर ‘शो’ला रामराम!


मात्र, कॉमेडियन कपिल शर्मासोबत झालेल्या वादानंतर सुनील ग्रोवरने 'द कपिल शर्मा शो'चं सोडला नाही, तर कपिल शर्मापासून देखील स्वतःला दूर केले. बातम्यांनुसार, सलमान खानने कपिल आणि सुनीलमध्ये समेट घडवून आणण्याचा खूप प्रयत्न केला, पण त्याचा काही उपयोग झाला नाही.


मात्र, 'द कपिल शर्मा शो' सोडल्यानंतर सुनील ग्रोव्हरला अनेक टीव्ही मालिका आणि चित्रपटांच्या ऑफर आल्या. त्यापैकी सलमान खानसोबतच्या 'भारत' चित्रपटातील सुनील ग्रोव्हरच्या भूमिकेचे खूप कौतुक झाले होते. त्याचवेळी OTT प्लॅटफॉर्मवर रिलीज झालेल्या 'तांडव' या वेब सीरीजमध्ये सुनील ग्रोव्हर अभिनेता सैफ अली खानसोबत दिसला आहे. 'तांडव' या वेब सीरीजला प्रेक्षकांचा संमिश्र प्रतिसाद मिळाला असेल, पण सुनीलच्या अभिनयाची खूप प्रशंसा झाली.


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha