Sonalee Kulkarni Brother Death: मराठी सिनेसृष्टीमधील (Marathi Industry) आघाडीची अभिनेत्री म्हणून सोनाली कुलकर्णीवर (Sonali Kulkrani) दुःखाचा डोंगर कोसळला आहे. सोनाली कुलकर्णीच्या अगदी जवळच्या व्यक्तीचं निधन झालं आहे. यासंदर्भात स्वतः सोनालीनं इमोशनल पोस्ट शेअर करुन चाहत्यांना दुःखद बातमी दिली आहे. मराठी अभिनेत्री सोनाली कुलकर्णीचा चुलत भाऊ अनिरुद्धचं निधन झालं आहे. भावाच्या जाण्यानं खचलेल्या अभिनेत्रीनं सोशल मीडियावर इमोशन पोस्ट शेअर केली आहे. अनिरुद्धच्या जाण्यानं सोनालीसह तिच्या कुटुंबीयांवरही दुःखाचा डोंगर कोसळला आहे.
भावाच्या निधनानं खचलेल्या सोनाली कुलकर्णीनं सोशल मीडियावर केलेल्या पोस्टमध्ये म्हटलंय की, "आमचा अन्नूमा... हे जग सोडून तू एका चांगल्या ठिकाणी निघून गेलास. तुझ्या आत्म्याला शांती लाभो. तिकडे वेदनारहित नवीन आयुष्य मिळो. अध्यात्मिक, निरागस आणि जीव लावणारा असा मला माहीत असलेला सर्वात निर्मळ मनाचा व्यक्ती तू होतास. तुझं प्रत्येकासोबत छान नातं होतं. सगळ्यांवर निस्वार्थ प्रेम केलंस. सगळी गाणी तुला माहीत होती. तबला अगदी छान वाजवायचास...आणि तुझ्या हातचा चहा... तू जसा होतास तसाच राहिलास आणि सगळ्यांना प्रेम दिलंस. तुझ्यावर नेहमीच प्रेम करत राहू. ओम शांती".
सोनाली कुलकर्णीच्या पोस्टवर कमेंट करत चाहत्यांनी दु:ख व्यक्त केलं आहे. तसेच, सोनालीच्या भावाला श्रद्धांजली वाहिली आहे. अनेकांनी सोनालीच्या पोस्टवर कमेंट करुन तिचं सांत्वन केलं आहे.
दरम्यान, मराठी सिनेसृष्टीमधील आघाडीची अभिनेत्री म्हणून सोनाली कुलकर्णीनं तिचं स्थान निर्माण केलं आहे. तिने अनेक मराठी चित्रपटांसह हिंदी चित्रपटांमध्येही काम केलं आहे. त्यासोबतच सोनाली कुलकर्णीनं मल्ल्याळम फिल्ममध्येही काम केलं आहे. अगदी कणखरपणे वावरणारी सोनाली भावाच्या जाण्यानं मात्र पुरती खचली आहे.
महत्त्वाच्या इतर बातम्या :