Siddharth Jadhav on Salman Khan: मराठी मनोरंजन सृष्टीतील लोकप्रिय अभिनेता सिद्धार्थ जाधव (Siddharth Jadhav) सध्या त्याच्या एका मुलाखतीमुळे चर्चेत आहे. अफाट एनर्जी आणि विनोदी ढंगतील त्याच्या अभिनयाचं सगळीकडेच कौतुक होतं. बॉलीवूडच्या बड्या सुपरस्टार सोबतच जातो स्क्रीन शेअर करतोय. रणवीर सिंहच्या (Ranveer Singh) 'सिंबा' चित्रपटात त्याने साकारलेल्या भूमिकेला प्रेक्षकांची दाद मिळाली. शिवाय सलमान खानच्या (Salman Khan) राधे चित्रपटातही त्याने महत्त्वाची भूमिका साकारलेली. अलीकडेच 'बॉलीवूड बबल 'ला दिलेल्या मुलाखतीत सिद्धार्थने बॉलीवूडच्या भाईजानशी कशी ओळख झाली? सलमान आणि त्याच्या पहिल्या भेटीविषयी एक किस्सा सांगितला आहे. सिद्धार्थ कॉलेजमध्ये असल्यापासून सलमान खानचा मोठा चाहता आहे. असं त्याने सांगितलं. दोघांची ओळख दिग्दर्शक महेश मांजरेकर यांच्यामुळे झाल्याचेही तो म्हणाला. ( Salman Khan First Meet)
सलमान सिद्धूची भेट कशी झाली ?
बॉलीवूडचा भाईजान म्हणून ओळखला जाणाऱ्या सलमान खानशी काही वर्षांपूर्वी मराठी अभिनेता सिद्धार्थ जाधव भेटला. या खास भेटीविषयी सिद्धार्थनं खुलासा केलाय. तो म्हणाला ' सलमान सर आणि महेश सर गेल्या अनेक वर्षांपासून एकमेकांचे चांगले मित्र आहेत. महेश सरांमुळे सलमान सरही मला ओळखू लागले. एकदा मी फिल्म सिटीमध्ये शूटिंग करत होतो.आणि तिथेच बाजूला सलमान सर बिग बॉसचा प्रोमो शूट करत होते. मी लगेच महेश सरांना म्हटलं 'मी त्यांना भेटायला जाऊ का ? ' त्यावर ते सहज 'जा' म्हणाले. त्यांच्यासाठी जाणं सोपं होतं कारण त्यांची मैत्री आहे पण माझ्यासाठी ते 'द सलमान खान ' होते. पण जेव्हा मी त्यांना प्रत्यक्ष भेटलो त्यावेळी ते माझ्याशी खूप छान बोलले.' असं सिद्धू म्हणाला.
पहिल्या भेटीनंतर सलमान आणि सिद्धूची पुन्हा भेट झालेली. याविषयी सांगताना तो म्हणाला 'सलमान सर पुढे माझ्या 'येरे येरे पैसा ' या मराठी चित्रपटाच्या ट्रेलर लॉन्चला आले होते. तिथे त्यांनी मला थेट स्टेजवर बोलावलं. एवढ्या मोठ्या स्टारने आपल्याला स्टेजवर बोलावल्यामुळे मी थोडासा बावरलो होतो. पण माझ्या शेजारी बसलेल्या तेजश्री पंडितने मला सावरलं . ती म्हणाली 'अरे, जा ते तुलाच बोलवत आहेत ' आणि मग आमची हळूहळू छान ओळख झाली. नंतर राधे चित्रपटात सलमान खान यांच्यामुळेच एका भूमिकेसाठी सिद्धार्थला कॉल आला.
सलमान खानमुळे चित्रपटासाठी कॉल
सिद्धार्थ म्हणाला ' मी लंडनला असताना मला राधे चित्रपटातील एका भूमिकेसाठी विचारणा झाली. खरं सांगायचं तर मी विचारच केला नाही की माझी भूमिका किती मोठी आहे किंवा काय आहे. मी म्हटलं भूमिका गेली उडत! ज्या माणसाला बघत मी मोठा झालो तर सलमान सरांसोबत एका फ्रेममध्ये दिसणं, स्क्रीन शेअर करणं, ही माझ्यासाठी सर्वात मोठी गोष्ट होती. मी कुठल्याही अटी शर्ती न ठेवता लगेच चित्रपटासाठी होकार दिला होता.
हेही वाचा -