Shilpa Shetty Nikamma Official Trailer Released : बॉलिवूडमधील प्रसिद्ध अभिनेत्री  शिल्पा शेट्टीच्या (Shilpa Shetty) आगामी चित्रपटाची प्रेक्षक उत्सुकतेने वाट पाहात असतात. काही दिवसांपूर्वी शिल्पाचा 'हंगामा 2' (Hungama 2) हा चित्रपट प्रेक्षकांच्या भेटीस आला. आता लवकरच तिचा  'निकम्मा' (Nikamma) हा चित्रपट रिलीज होणार आहे. नुकताच या चित्रपटाचा ट्रेलर प्रदर्शित झाला. ट्रेलरमध्ये अभिनेता अभिमन्यु दसानी (Abhimanyu Dasani) हा जबदस्त लूकमध्ये दिसत आहे. ट्रेलरमध्ये  रोमान्स, कॉमेडी, इमोशन आणि अॅक्शन असा कम्पलीट पॅकेज असणारा हा चित्रपट 17 जून रोजी प्रेक्षकांच्या भेटीस येणार आहे. 


अभिमन्यु दसानी याच्या आयुष्यात जेव्हा शिल्पाची एन्ट्री होते. तेव्हा त्याच्या आयुष्यात काय बदल होतात? तो कसा बदलतो? हे सर्व या चित्रपटामध्ये दाखवण्यात येणार आहे. शिल्पा ही या चित्रपटामध्ये सुपरवुमनच्या भूमिकेत दिसणार आहे. चित्रपटामध्ये शिल्पा शेट्टी, अभिमन्यु दासानी यांच्यासोबतच शर्ली सेतिया, सुनील ग्रोवर आणि समीर सोनी हे कलाकार देखील प्रमुख भूमिका साकारणार आहेत. शर्ली आणि अभिमन्यु यांचा रोमँटिक अंदाज या चित्रपटामध्ये प्रेक्षकांना बघायला मिळणार आहे. 



'निकम्मा' हा चित्रपट 2020 मध्ये रिलीज होणार होता पण कोरोनामुळे या चित्रपटाची रिलीज डेट पुढे ढकलण्यात आली. हा चित्रपट 2017 मध्ये रिलीज झालेल्या 'मिडिल क्लास अब्बाई' या तेलगु चित्रपटाचा रिमेक आहे.सब्बीर खान यांनी या चित्रपटाचे दिग्दर्शन केलं आहे. अभिमन्यु दसानी हा अभिनेत्री भाग्यश्रीचा मुलगा आहे. त्यानं 2018 साली प्रदर्शित झालेल्या मर्द को दर्द नही होता या चित्रपटामधून बॉलिवूडमध्ये पदार्पण केलं.


हेही वाचा :