Shehnaaz Gill : छोट्या पडद्यावरील प्रसिद्ध अभिनेत्री शहनाज गिल (Shehnaaz Gill) ही तिच्या अभिनयानं नेहमीच प्रेक्षकांचे मनोरंजन करते. बिग बॉस या रिअॅलिटी शोमुळे शहनाज गिलला (Shehnaaz Gill) विशेष लोकप्रियता मिळाली. या कार्यक्रमाच्या प्रत्येक सिझनचं सूत्रसंचालन अभिनेता सलमान खाननं केलं आहे. सलमानच्या 'कभी ईद कभी दिवाली' (Kabhi Eid Kabhi Diwali) या चित्रपटामधून शहनाजला बाहेरचा रस्ता दाखवण्यात आलेला आहे, अशी चर्चा गेले काही दिवस सोशल मीडियावर होत आहे. तसेच शहनाजनं सलमानला सोशल मीडियावर अनफॉलो केलं आहे, असंही म्हटलं जात होतं. आता या चर्चेवर शहनाजनं रिअॅक्शन दिली आहे.
शहनाजची पोस्ट
शहनाजनं सोशल मीडियावर एक पोस्ट शेअर करुन सलमानच्या 'कभी ईद कभी दिवाली' या चित्रपटाबद्दल माहिती दिली आहे. पोस्टमध्ये शहनाजनं लिहिलं, 'LOL!गेल्या काही दिवसांपासून पसरलेल्या अफवा ऐकल्यानंतर माझं मनोरंजन होत आहे. मी वाट बघत आहे की, लोक कधी हा चित्रपट बघतील. ' शहनाजच्या या पोस्टमधून असं लक्षात येतं की, शहनाजनं या चित्रपटामध्ये काम केलं आहे. शहनाच्या या पोस्टची चर्चा सध्या सोशल मीडियावर होत आहे.
पाहा पोस्ट
चित्रपटामधील कलाकार
सलमानसोबतच 'कभी ईद कभी दिवाली' या चित्रपटामध्ये आयुष शर्मा आणि जाहिर इकबाल हे देखील प्रमुख भूमिका साकारणार होते. पण आता त्यांच्या ऐवजी जस्सी गिल आणि सिद्धार्थ निगम यांना या चित्रपटामध्ये काम करण्याची संधी देण्यात आली आहे, असं म्हटलं जात आहे. कभी ईद कभी दिवाली या चित्रपटाबरोबरच टायगर-3 या सलमानच्या आगामी चित्रपटांची वाट सलमानचे चाहते उत्सुकतेने पाहात आहेत. टायगर-3 हा चित्रपट पुढच्या वर्षी रिलीज होणार आहे. या चित्रपटामध्ये सलमानसोबत अभिनेत्री कतरिना कैफ देखील प्रमुख भूमिका साकारणार आहे. तसेच शाहरुख खानच्या 'पठाण' आणि तेलगू सिनेमा 'गॉड फादर' मध्येदेखील सलमान खानची झलक प्रेक्षकांना पाहायला मिळणार आहे. 'गॉड फादर' या सिनेमाच्या माध्यमातून सलमान खान तेलगू सिनेसृष्टीत पदार्पण करणार आहे.
वाचा इतर बातम्या