Shashank Ketkar kamali Serial: टीआरपीच्या दृष्टीने मालिकेत बरेच बदल केले जातात. मालिकेत टीआरपीसाठी (Serial TRP) विशेष स्पर्धा सुरू असते. एखाद्या वाहिनीवरील कलाकार जर, दुसऱ्या मालिकेत दिसला तरी, प्रेक्षकवर्ग दुसऱ्या वाहिनीकडे वळू शकतो, अशी शक्यता नाकारता येत नाही. पण तोच कलाकार जर पुन्हा स्वगृही परतला तर, त्या मालिकेची किंवा त्या कलाकाराची पुन्हा चर्चा होऊ लागते. झी मराठीवर (Zee Marathi) 'होणार सून मी या घरची' ही मालिका प्रचंड गाजली. या मालिकेतून शशांक केतकरला (Shashank Ketkar) विशेष प्रसिद्धी मिळाली. आता तो पुन्हा झी मराठीवरील गाजलेल्या मालिकेतून कमबॅक करणार आहे.
झी मराठी वाहिनीच्या अधिकृत इन्स्टाग्राम अकाऊंटवर अलिकडेच एक व्हिडीओ शेअर करण्यात आला आहे. या वाहिनीवरील प्रसिद्ध मालिका 'कमळी' या मालिकेचा हा प्रोमो आहे. या मालिकेत शशांक केतकर 'कमळी' मध्ये झळकणार असल्याची माहिती आहे. यात शशांक केतकर राजकीय युवा नेत्याच्या भूमिकेत दिसत आहे. सध्या 'कमळी' या मालिकेचा प्रोमो सोशल मीडियात व्हायरल होत आहे. या मालिकेच्या प्रोमोला कॅप्शनही देण्यात आलं आहे, 'कोणता सुपरहिट हिरो करणार धमाकेदार कमबॅक?.. तुमचा अंदाज कमेंट्समध्ये नक्की सांगा', असा कॅप्शन देण्यात आलं आहे.
शशांक केतकरची झी मराठीवरील 'कमळी' मालिकेतून कमबॅक (Shashank ketkar in zee marathis kamali serial promo goes viral)
या प्रोमोमध्ये अभिनेत्याचा चेहरा रिव्हिल करण्यात आलेला नाही. पण प्रेक्षकांनी त्याला ओळखलं. दरम्यान, यावर शशांक केतकरने अद्याप प्रतिक्रिया दिलेली नाही. नेटकऱ्यांनी शशांक केतकरला टॅग केलं आहे. तसेच त्याच्या कमबॅकसाठी शुभेच्छा दिल्या आहेत. 'होणार सून मी या घरची' या मालिकेनंतर तो 'पाहिले न मी तुला' या मालिकेमुळे चर्चेत आला होता. त्याची स्टार प्रवाहवरील 'मुरांबा' ही मालिकाही प्रचंड गाजली. काही महिन्यांपूर्वी या मालिकेनं प्रेक्षकांचा निरोप घेतला होता.
दरम्यान, तो आता पुन्हा स्वगृही परतल्यामुळे शशांक केतकरचं विशेष कौतुक होत आहे. 'कमळी' या मालिकेच्या प्रोमोमध्ये शशांक केतकरचा चेहरा नसून, केवळ पाठमोरा दिसत आहे. दरम्यान, शशांक केतकर या मालिकेत नेमकी कुणाची भूमिका साकारणार? ही माहितीही अद्याप समोर आलेली नाही. दरम्यान, त्याच्या कमबॅकचं विशेष कौतुक होत आहे.
महत्त्वाच्या इतर बातम्या:
'कोण होणार करोडपती'चं पुनरागमन; नव्या पर्वाची अधिकृत घोषणा, या सीजनचा होस्ट कोण असणार?