Sankarshan Karhade:मराठी अभिनेता आणि कवी संकर्षण कऱ्हाडे हा कायम कोणत्या ना कोणत्या कारणाने चर्चेत असतो. अभिनेत्री स्पृहा जोशी आणि संकर्षण या दोघांचा ' संकर्षण via स्पृहा ' या कार्यक्रमाचे सध्या जोरदार प्रयोग सुरू आहेत. या प्रयोगामुळे तो चर्चेत आहेच पण सध्या एक वेगळीच सुरूय. ही चर्चा आहे संकर्षणच्या पुतण्याच्या नावाची. संकर्षणच्या धाकट्या भावाचं नाव अधोक्षज असं आहे. संकर्षणही नाव तसं हटकेच आहे. संकर्षणला जुळी मुलं आहेत. सर्वज्ञ आणि स्राग्वी अशी त्यांची नावं आहेत . आता बाळाचं नाव अवघड ठेवल्यानं सोशल मीडियावर चर्चा रंगली आहे.
बाबांचं नाव अधोक्षज, मुलाचं त्याहून अवघड
काही दिवसांपूर्वीच संकर्षणचा भाऊ व अभिनेता अक्षोधज कऱ्हाडे याला मुलगा झाला. अक्षोधजने आनंदाची बातमी देत बाळाचे नाव लवकरच जाहीर करण्यात असल्याचे सांगितले. .तोपर्यंत बाळाला नारायण म्हणतील असेही त्यांना ठरवलं होतं. अक्षोधजच्या मुलाचं अलीकडेच बारसं करण्यात आलं. त्याने बाळाचं नाव अक्षोभ्य असं ठेवलंय. पोस्ट करत त्यानं बाळाचं बारसं झाल्याचं लिहिलं. चि. अक्षोभ्य चैताली अक्षोधज कन्हाडे! अधोक्षजने बाळाच्या नावाचा अर्थही सांगितला. जो कधीही क्षोभ (अस्वस्थ, दुःखी) होत नाही. ज्याला विचलित करता येणार नाही असा. अचल स्थिर शांत . आता काही जणांना नाव अवघड वाटत असेल.पण कुठलाच नाव अवघड नसत आहो. मुद्दा ते नाव घेण्याच्या सवयीचा असतो. म्हणून बघा बरं पाच वेळेला. सहज जमेल ! बाकी शुभेच्छा आणि आशीर्वाद कायम सोबत राहू द्या. असं अधोक्षजने या पोस्टमध्ये म्हटलं आहे.
अधोक्षजच्या कामाबद्दल बोलायचं झाल्यास तो सध्या कमळी या झी मराठीवरील मालिकेत महत्त्वाची भूमिका साकारतोय. याशिवाय तो लाडकी बहीण योजना या नव्या कोऱ्या नाटकातही आपल्या अभिनयाची चुणूक दाखवतोय.