Sameer Chaughule MNS Raj Thackeray Meet: 'महाराष्ट्राची हास्यजत्रा' कार्यक्रमातून घराघरात लोकप्रिय झालेला अभिनेता समीर चौघुले (Sameer Chaughule)चर्चेत आहे. त्याच्या एकपात्री प्रयोगाची सध्या चांगलीच चर्चा आहे. या कार्यक्रमाला नुकतेच 100 प्रयोग पूर्ण झाले. 'महाराष्ट्राची हास्यजत्रा' कार्यक्रमात विनोदी लेखक, अभिनेता म्हणून समीरची ख्याती महाराष्ट्रात सर्वदूर पोहोचली आहे. मग यात कलासक्त म्हणून ओळखले जाणारे मनसे अध्यक्ष राज ठाकरे( Raj Thackeray) कसे मागे राहतील? 'सम्या सम्या मैफिलीत माझ्या' या कार्यक्रमाच्या निमित्ताने दादरला असल्याचं कळताच मनसे अध्यक्ष राज ठाकरे यांनी समीरला फोन करून' 'दादरलाच आहात तर घरी येऊन जा ' असा कॉल करत घरी भेटायला बोलावलं. या खास भेटीचा फोटो पोस्ट करत समीरने राज ठाकरेंना भेटल्याचा अनुभव शेअर केलाय.( Sameer Chaughule MNS Raj Thackeray Meet)
काय म्हणाला समीर चोघुले ? (Sameer Chaughule)
समीर म्हणाला, “सम्या सम्या मैफिलीत माझ्या” या माझ्या एकपात्री कार्यक्रमाचे १०० प्रयोग झाल्याबद्दल अभिनंदनाचे अनेक फोन आले ..पण एक कॉल खूपच अनपेक्षित आणि खास होता…तो होता अत्यंत दिलखुलास, दर्दी, कलासक्त नेते..माननीय राजसाहेब ठाकरे यांचा - “दादरलाच आहात मग घरी येऊन जा” ….आणि मग झाली एका राजामाणसाबरोबर एक सहजसुंदर भेट, भरपूर गप्पा आणि हास्यजत्रेवरील प्रेम.. आणि हो मी निघताना 100 प्रयोग झाल्याबद्दल मला आणि माझ्या सहचारिणीला दिलेली सुंदर भेटवस्तू ..मनापासून आभार साहेब….
समीर चौघुलेच्या ‘सम्या सम्या मैफिलीत माझ्या’ या एकपात्री कार्यक्रमाला प्रेक्षकांचा भरभरून प्रतिसाद मिळतोय.‘हास्यजत्रा’मध्ये अवघ्या 15 -20 मिनिटांच्या स्किटमधून लक्ष वेधून घेणारा समीर, या एकपात्री कार्यक्रमात मात्र जवळपास अडीच तास रंगमंचावर एकट्यानेच प्रेक्षकांना खिळवून ठेवतो. विशेष म्हणजे, कुठल्याही द्विअर्थी संवादांचा किंवा अश्लील विनोदांचा आधार न घेता तो केवळ नितळ आणि दर्जेदार विनोदातून प्रेक्षकांना पोट धरून हसायला लावतो. कार्यक्रमाच्या सुरुवातीपासून शेवटपर्यंत सतत पिकणारा हशा, टाळ्यांचा गजर आणि उत्साहाने भरलेलं वातावरण होत असल्याचं प्रेक्षक सांगतात.
हेही वाचा: