Was surgery performed on Salim Khan Doctors clarify: ज्येष्ठ पटकथा लेखक सलीम खान (Salim khan) यांना 17 फेब्रुवारी रोजी तातडीने वांद्रेतील लीलावती रुग्णालयात उपचारासाठी दाखल करण्यात आले. त्यांची अचानक प्रकृती बिघडली. त्यांना सध्या व्हेंटिलेटर सपोर्टवर ठेवण्यात आल्याची माहिती आहे. काल त्यांना डॉक्टरांच्या देखरेखेखाली आयसीयूमध्ये दाखल करण्यात आले. स्पेशलिस्टची संपूर्ण टीम त्यांच्यावर लक्ष ठेवून आहेत. काल खान कुटुंबासह अनेक कलाकारांनी त्यांची भेट घेतली. दरम्यान, त्यांच्या तब्येतीविषयी अनेक माहिती समोर येत आहेत. दरम्यान, त्यांना व्हेंटिलेटवर ठेवण्यात आलं आहे. त्यांच्यावर शस्त्रक्रिया झाली नसल्याचंही लीलावती डॉक्टरांनी स्पष्ट केलं.
मंगळवारी सकाळी सलीम खान यांना मुंबईतील लीलावती रुग्णालयात दाखल करण्यात आले. सायंकाळी लीलावती डॉक्टरांनी सलीम खान यांची प्रकृती स्थिर असल्याचं सांगितलं. त्यांच्यावर बारकाईने लक्ष ठेवले जात असल्याचंही त्यांनी सांगितलं. 'डॉ. विनय चव्हाण (न्यूरोलॉजिस्ट) डॉ. अजित मेनन (ह्रदयरोगतज्ज्ञ), डॉ. नितीन डांगे (न्यूरोसर्जन) आणि डॉ. बिनीत अहलुवालिया यांच्या डॉक्टरांच्या पथकाने त्यांची तपासणी केली', असे डॉ. जलील पारकर म्हणाले.
दरम्यान, सोशल मीडियावर सलीम खान यांच्यावर शस्त्रक्रिया पार पडली असल्याची बातमी व्हायरल होत आहे. त्यांच्यावर शस्त्रक्रिया पार पडली नसल्याची माहिती समोर आली आहे. त्यांच्यावर कोणतीही शस्त्रक्रिया पार पडली नसून, त्यांना व्हेंटिलेटरवर ठेवण्यात आले आहे, अशी माहिती लीलावतीमधील डॉक्टरांनी दिली.
सलीम खान यांची तब्येत खालवल्यानंतर त्यांना तातडीने वांद्रे येथील लीलावती रुग्णालयात दाखल करण्यात आले. त्यांना सुरुवातीला आयसीयूमध्ये दाखल करण्यात आले. याची माहिती मिळताच अभिनेता सलमान खानने रुग्णालयात धाव घेतली. सलमान खान व्यतिरिक्त, सलीम खान यांच्या पत्नी सलमा खान, हेलन यांनी देखील रुग्णालयात धाव घेतली. सलमा आणि हेलन यांच्यासह अरबाज खान, अलविरा खान आणि अर्पिता खान हे देखील रुग्णालयाबाहेर स्पॉट झाले. खान कुटुंबाव्यतिरिक्त इतर कलाकारांनीही सलीम खान यांची भेट घेतली. चाहत्यांनीही सलीम खान यांच्या प्रकृतीविषयी चिंता व्यक्त केली.
महत्त्वाच्या इतर बातम्या: