RRR Movie Release Date: मागील काही वर्षांत दाक्षिणात्य चित्रपटांनी सर्व देशभरासह महाराष्ट्रातही धुमाकूळ घालण्यास सुरुवात केली आहे. नुकताच अल्लू अर्जूनचा पुष्पा-द राईस (Pushpa the rise) चित्रपटतर तुफान हिट झाला. बॉक्सऑफीसवरील अनेक रेकॉर्ड त्याने मोडले आहेत. आता अशीच मोठी स्टारकास्ट असणारा आणखी एक तेलगू सिनेमा लवकरच बॉक्सऑफीसवर धडकणार आहे. ज्युनिअर एनटीआर (Jr NTR) आणि राम चरण तेजा (Ram Charan Teja) यांची मुख्य भूमिका असलेला हा आरआरआर (RRR) चित्रपट लवकरच प्रेक्षकांच्या भेटीस येणार आहे. दरम्यान या चित्रपटाची तारीख अखेर समोर आली असून आता हा चित्रपट 25 मार्च 2022 रोजी सर्व चित्रपटगृहात प्रदर्शित होणार आहे.


याआधी हा चित्रपट आम्ही 18 मार्च 2022 रोजी सर्व चित्रपटगृहात प्रदर्शित होईल. अन्यथा, हा चित्रपट 28 एप्रिल 2022 रोजी प्रदर्शित होईल. अशा दोन तारखांबाबत माहिती समोर येत होती. पण आता हा चित्रपट 25 मार्च 2022 रोजी सर्व चित्रपटगृहात प्रदर्शित होणार असल्याचं समोर आलं आहे. दरम्यान हा चित्रपट पाहण्यासाठी प्रेक्षकांची उत्सुकता आता शिगेला पोहोचली आहे. चित्रपटाच्या अधिकृत ट्वीटर हँडलवरुन याबाबत ट्वीट करण्यात आलं आहे.



मागील बरेच दिवस या चित्रपटाचे मुख्य कलाकार ज्युनिअर एनटीआर आणि राम चरण तेजा  या चित्रपटाचे प्रमोशन करताना दिसत होते. याशिवाय या चित्रपटात बॉलिवूड अभिनेत्री आलिया भट्टसुद्धा मुख्य भूमिका साकारताना दिसणार आहे.  दरम्या कोरोनाच्या तिसऱ्या लाटेमुळे चित्रपटाचे प्रदर्शन पुढे ढकलण्यात आले होते. पण आता चित्रपटाची प्रदर्शित होणारी तारीख समोर आली आहे.


हे ही वाचा



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha