Khatron Ke Khiladi : प्रसिद्ध चित्रपट दिग्दर्शक रोहित शेट्टीच्या (Rohit Shetty) चित्रपटांना प्रेक्षकांची पसंती मिळते. रोहित हा 'खतरों के खिलाडी' (Khatron Ke Khiladi) या कार्यक्रमाचे सूत्रसंचालन करतो. या कार्यक्रमाचा 12 वा सिझन लवकरच प्रेक्षकांच्या भेटीस येणार आहे. सध्या या कार्यक्रमाची सोशल मीडियावर चर्चा सुरू आहे.  'खतरों के खिलाडी' च्या नव्या सिझनमध्ये  कोणते सेलिब्रिटी या शोमध्ये सहभागी होणार आहेत? असा प्रश्न अनेकांना पडला असेल. जाणून घेऊयात या शोमध्ये सहभागी होणाऱ्या कलाकारांची नावे....


छोट्या पडद्यावरील प्रसिद्ध अभिनेत्री अनेरी वजानी ही 'खतरों के खिलाडी' च्या 12 व्या सिझनमध्ये सहभाग घेणार आहे. 'अनुपमा' या मालिकेमध्ये अनेरी वजानीनं  मालविका ही भूमिका साकारली आहे. 
 
प्रतीक सहजपालनं 'बिग बॉस' मध्ये भाग घेतला. त्याला बिग बॉसमुळे विशेष लोकप्रियता मिळाली. तो देखील 'खतरों के खिलाडी' मध्ये भाग घेणार आहे.


'ये रिश्ता क्या कहलाता है' मालिकेमध्ये प्रमुख भूमिका साकारणारी अभिनेत्री शिवांगी जोशी आता  'खतरों के खिलाडी' च्या 12 व्या सिझनमध्ये खतरनाक स्टंट करताना दिसणार आहे. 
 
अभिनेत्री कनिका मान ही खतरों के खिलाडीमध्ये सहभाग घेणार की नाही? असा प्रश्न प्रेक्षकांनी पडला होता.  कनिका ही KKK 12मध्ये भाग घेणार असून तिला स्टंट करताना पाहण्यासाठी प्रेक्षक उत्सुक आहेत. कनिकाला 'बॅरिस्टर बाबू' या मालिकेमुळे लोकप्रियता मिळाली. 


अभिनेता राजीव अडातिया देखील बिग बॉसमध्ये सहभाग घेतला होता. बिग बॉसमध्ये तो वाइल्ड कार्ट स्पर्धक होता पण आता तो 'खतरों के खिलाडी' मधून प्रेक्षकांच्या भेटीस येणार आहे.  


प्रसिद्ध  कोरिओग्राफर तुषार कालिया हा यंदा  'खतरों के खिलाडी'  शोमध्ये सहभाग घेणार आहे. डान्सबरोबरच स्टंटनं देखील तुषार प्रेक्षकांची मनं जिंकेल का? हे लवकरच त्याच्या चाहत्यांना कळणार आहे. 


अभिनेता निशांत भट्टचा चाहता वर्ग मोठा आहे. आता तो शोमध्ये कसा स्टंट करेल, हे शो सुरू झाल्यानंतर कळेल.


चेतना पांडे, फॅसल शेख, एरिका पॅकर्ड, रुबीना दिलैक, सृती झा, मोहित मलिक हे कलाकार देखील 'खतरों के खिलाडी' मध्ये सहभागी होणार आहेत. 


हेही वाचा :