Rakhi Sawant Shocking Allegations On Adil Khan : ड्रामा क्वीन राखी सावंत (Rakhi Sawant) कोणत्या ना कोणत्या कारणाने नेहमीच चर्चेत असते. सध्या ती पती आदिल खानवर (Adil Khan) केलेल्या आरोपांमुळे चर्चेत आहे. राखीने आदिलवर फसवणूक आरोप केले आहेत. चार लाख रुपये अन् सोनं घेऊन पळाल्याचा आरोप राखीनं आदिलवर केला आहे. त्याचप्रमाणे आदिल खान याचे तनु चंदेल हिच्यासोबत अफेअर असल्याचा आरोपही केलाय. त्याशिवाय आदिलसोबत घटस्फोट घेणार असल्याचं राखीनं सांगितलं. 


राखी सावंतचा इन्स्टाग्रामवर एक व्हिडीओ सध्या व्हायरल होतोय. यामध्ये राखी सावंत आदिल खान याच्यावर आरोप करत आहे. मोठ मोठ्यानं रडत अन् ऊर बडवत राखी आदिलवर (Adil Durrani Khan) गंभीर आरोप करत आहे. आदीलने आतापर्यंत जवळपास एक कोटी रुपये अन् घरातील सामान चोरी केल्याचा आरोपही राखीनं केलाय. 


राखी 'बिग बॉस मराठी'च्या (Bigg Boss Marathi 4) चौथ्या पर्वात सहभागी झाली होती. पण शेवटच्या टप्प्यात ती बाहेर पडली. त्यानंतर लगेचच तिच्या आईचे निधन झाले. दरम्यान, आदिल खानसोबतच्या (Adil Khan) चर्चांमुळे राखीच्या आयुष्यात वेगळं वळण आलं आहे. राखी सावंत हिने नुकतेच आदिलसोबत लग्न केले होते. पण त्यानंतर दोघांमध्ये खटके उडायला सुरुवात झाली. आता राखीनं आदिलसोबत घटस्फोट घेणार असल्याचं सांगितलेय. राखी सावंत यानं आदिलवर केलेल्या आरोपाचा व्हिडीओ व्हायरल झालाय. 


पाहा इन्स्टाग्राम व्हिडीओ -






राखी म्हणाली, "माझ्या पतीचे विवाहबाह्य संबंध आहेत. या प्रकरणावर सर्वांसमोर बोलण्याची त्याने मला धमकी दिली आहे. जर मी याप्रकरणी सर्वांसमोर बोलले तर तो घटस्फोट देईल. माझा पती ज्या मुलीसोबत रिलेशनमध्ये आहे ती मला म्हणाली की, मी कोणाला घाबरत नाही".  






राखी सावंतबद्दल जाणून घ्या...


राखी सावंत तिच्या वैयक्तिक आयुष्यामुळे चर्चेत असते. राखीनं काही दिवसांपूर्वी आदिल खान दुर्रानीसोबत (Adil Khan Durrani) लग्न केले. राखीने आदिल खानसोबतचे फोटो सोशल मीडियावर शेअर करुन तिच्या विवाहाची माहिती चाहत्यांना दिली. सोशल मीडियाच्या माध्यामातून राखी ही तिच्या वैयक्तिक आयुष्याची माहिती तिच्या चाहत्यांना देते. विविध कार्यक्रमांमधून राखी प्रेक्षकांच्या भेटीस येत असते. बिग बॉस-14 (Bigg Boss-14), नच बलिये, बिग बॉस-15 (Bigg Boss 15) आणि बिग बॉस मराठी-4 या कार्यक्रमांमधून राखी प्रेक्षकांच्या भेटीस आली होती. राखी तिच्या विनोदी शैलीने नेहमीच प्रेक्षकांचे मनोरंजन करते. राखी तिच्या विविध विषयांवरील वक्तव्यांमुळे देखील चर्चेत असते.