Rajshri Deshpande Breast Cancer Recovery: ग्लॅमर इंडस्ट्रीत बऱ्याचदा उणिवांना झाकले जाते. गेल्या काही दिवसांपासून आपल्या गंभीर आजारामुळे चर्चेत असणारी, अभिनेत्री राजश्री देशपांडे (Rajesh deshpande) सध्या आपल्या लेटेस्ट फोटोशूटमुळे चर्चेत आहे. काही महिन्यांपूर्वी तिला ब्रेस्ट कॅन्सरचं (Breast Cancer) निदान झालं होतं. तिच्यावर मोठी शस्त्रक्रिया पार पडली होती. शस्त्रक्रिया यशस्वी झाल्यानंतर तिची तब्येत बरी होत आहे. आजारपणातून ती बाहेर येत आहे. सर्जरीनंतर तिच्या ब्रेस्टवर शस्त्रक्रियेच्या खुणा होत्या. तिनं त्या खुणा लपवण्याऐवजी अभिमानाने सर्वांसमोर फ्लॉन्ट केले आहेत. तिनं शस्त्रक्रिया झाल्यानंतरचे फोटो सोशल मीडियात शेअर केले आहेत. दरम्यान, तिने घेतलेले हे धाडसी पाऊल केवळ तिच्या चाहत्यांनाच प्रेरणा देत नाही, तर, कर्करोगाशी झुंज देणाऱ्या लाखो महिलांनाही प्रेरणा देत आहे.
राजश्रीवर शस्त्रक्रिया, बरी होताच शेअर केले खास फोटो (Rajshri Deshpande Turns Scars into Strength)
या वर्षीच्या मार्च महिन्यात राजश्रीने सोशल मीडियावर पोस्ट शेअर करत, ब्रेस्ट कॅन्सरशी झुंज देत असल्याचा खुलासा केला होता. तिनं सांगितलं की, 'रुटिन चेकअपदरम्यान, ग्रेड 1 ब्रेस्ट कॅन्सर इनफिल्ट्रेटिंग डक्टल कार्सिनोमाचे निदान झाले. केवळ कॅन्सर हा शब्द ऐकणंही काहींसाठी भीतीदायक ठरतं. हा प्रवास सोपा नव्हता. या आजारपणाबाबत माहिती मिळताच मी ढसाढसा रडले. मानसिकदृष्ट्या खूप खचले होते', असं अभिनेत्री म्हणाली होती.
'आई वडिलांना माहिती मिळाल्यानंतर मी सार्वजनिकरित्या सर्वांना सांगण्याचे धाडस केले. वेळेवर निदान झाले असल्यामुळे शस्त्रक्रियाही यशस्वी पार पडली. पण असंख्य टेस्ट आणि हॉस्पिटलमधील चकरा, यामुळे भावनांचा कल्लोळ सुरू होता', असंही अभिनेत्री म्हणाली होती. अलिकडेच अभिनेत्रीने इन्स्टाग्रामवर आपल्या साडीतील फोटो शेअर केले आहेत. या फोटोंमध्ये राजश्री सुरेख दिसत आहे. तिनं या फोटोतून आपल्या शस्त्रक्रियेच्या खुणा अगदी न घाबरता, धैर्याने दाखवले आहेत.
'या खुणा माझ्या जगण्याची कहाणी सांगतात' (Rajshri Deshpande Instagram post after cancer surgery)
तिनं शेअर केलेल्या पोस्टवर कॅप्शनही दिलं आहे. तिनं आपल्या पोस्टमध्ये म्हटलं की, 'या खुणा माझ्या जगण्याची कहाणी सांगतात. प्रत्येक खुण ही खरंतर एक आठवण सांगतात, मी लढले, जगले आणि जिंकले', असं अभिनेत्रीने आपल्या कॅप्शनमध्ये म्हटलं आहे. या खुणा डाग किंवा दोष नसून, धैर्याचे मुकूट आहे, असंही राजश्री म्हणाली. सध्या तिची पोस्ट सोशल मीडियावर व्हायरल होत असून, नेटकऱ्यांनी तिच्या धाडसाचं कौतुक केलं आहे.
महत्त्वाच्या इतर बातम्या: