Prithviraj : बॉलिवूडमधील प्रसिद्ध अभिनेता अक्षय कुमार (Akshay Kumar) हा त्याच्या पृथ्वीराज (Prithviraj) या आगमी चित्रपटामुळे चर्चेत आहे. या चित्रपटाचा ट्रेलर काही दिवसांपूर्वी रिलीज झाला. ट्रेलर पाहिल्यानंतर अक्षयचे चाहते या चित्रपटाची उत्सुकतेने वाट पाहात आहेत. पृथ्वीराज चित्रपटामध्ये अक्षयसोबतच मानुषी छिल्लर (Manushi Chhillar) , संजय दत्त (Sanjay Dutt) , सोनू सूद (Sonu Sood) आणि मानव विज हे कलाकार देखील प्रमुख भूमिका साकारणार आहेत. जाणून घेऊयात या चित्रपटामधील कलाकारांचे मानधन...
अक्षय कुमार
अभिनेता अक्षय कुमारनं पृथ्वीराज चित्रपटामध्ये प्रमुख भूमिका साकारली आहे. रिपोर्टनुसार या चित्रपसाठी त्यानं 60 कोटींचे मानधन घेतलं आहे.
मानुषी छिल्लर
पृथ्वीराज या चित्रपटामधून मानुषी ही बॉलिवूडमध्ये पदार्पण करणार आहे. ती या चित्रपटामध्ये संयोगिता ही भूमिका साकारली आहे. या चित्रपटासाठी मानुषीनं एक कोटी एवढे मानधन घेतलं आहे, अशी चर्चा आहे.
संजय दत्त
केजीएफ चॅप्टर-2 या चित्रपटामुळे सध्या संजय दत्त चर्चेत आहे. आता त्या चित्रपटानंतर लवकरच पृथ्वीराज या चित्रपटामधून संजय प्रेक्षकांच्या भेटीस येणार आहे. रिपोर्टनुसार, पृथ्वीराज चित्रपटामध्ये महत्वाची भूमिका साकारण्यासाठी संजयनं पाच कोटी मानधन घेतलं आहे.
सोनू सूद
प्रसिद्ध अभिनेता सोनू सूदनं पृथ्वीराज चित्रपटामध्ये चंदबरदाई ही भूमिका साकारली आहे. या चित्रपटामधील सोनूच्या लूकनं अनेकांचे लक्ष वेधले. त्या या चित्रपटासाठी तीन कोटींचे मानधन घेतलं आहे.
मानव विज
पृथ्वीराज या चित्रपटामध्ये अभिनेते मानव विज हे मोहम्मद गोरी ही भूमिका साकारणार आहे. ही भूमिका साकारण्यासाठी त्यांनी दहा लाख रूपये मानधन घेतलं आहे.
पृथ्वीराज या चित्रपटाचं दिग्दर्शन चंद्रप्रकाश द्विवेदी यांनी केलं आहे. यश राज फिल्म्सनं या चित्रपटाची निर्मिती केली आहे. रिपोर्टनुसार, चित्रपटाचे कथानक हे राजा पृथ्वीराज चौहान यांच्या जीवनावर आधारित असणार आहे. 300 कोटींच्या बजेटमध्ये या चित्रपटाची निर्मिती करण्यात आली आहे.
संबंधित बातम्या