मुंबई : दाक्षिणात्य सुपरस्टार प्रभास हा त्याच्या अॅक्टिंगबद्दल ओळखला जातोच पण त्याचा दिलदारपणा आणि शांत स्वभावामुळेही तो लोकामध्ये प्रसिद्ध आहे आणि त्याची पुन्हा एकदा प्रचिती आली आहे. नुकतच त्याने त्याचा जीम प्रशिक्षक आणि पूर्वाश्रमीचा बॉडी बिल्डर लक्ष्मण रेड्डी याला 73.30 लाखांची अलिशान एसयूव्ही गाडी भेट दिली आहे. ही आतापर्यंत कोणत्याही अभिनेत्याने त्याच्या स्टाफला वा मित्राला दिलेल्या सर्वाधिक महागड्या भेटवस्तूपैकी एक ठरली आहे.
यासंबंधी सोशल मीडियावर प्रभासचे काही फोटो व्हायरल होत आहेत. यात प्रभास ग्रे रंगाच्या नव्या कोऱ्या गाडीसह त्याचा जीम प्रशिक्षक लक्ष्मण रेड्डी आणि त्याच्या परिवारासोबत पोझ देताना दिसत आहे. लक्ष्मण रेड्डी हा 2010 सालचा मिस्टर वर्ल्ड विजेता आहे आणि बऱ्याच काळापासून प्रभासशी संबंधीत आहे. प्रभास त्याच्या आगामी चित्रपट 'आदिपुरूष' च्या माध्यमातून लवकरच प्रेक्षकांच्या भेटीला येणार आहे.
जग्वार लॅड रोवर इंडियाने गेल्या वर्षी भारतात उत्पादन झालेल्या 72.47 लाख किंमतीच्या रेंज रोव्हर वेलारची विक्री सुरू केली. नंतर त्याची किंमत वाढवून 73.30 लाख इतकी करण्यात आली. ही गाडी विशिष्ट डिझाइनसह बनवण्यात आली आहे. त्यात ऑल एलइडी लाईट, डिप्लॉएबल फ्लॅश डोअर हँडल, इंटिग्रेटेड रिअर स्पॉईलरचा समावेश होतो. आतून दोन इंटिग्रेटेड 25.4 सेमीच्या टचस्क्रीन्सची सुविधा उपलब्ध आहे. तसंच यात फुल स्क्रीन मॅपची सुविधा उपलब्ध आहे.