मुंबई : सडक 2 चा ट्रेलर आला आणि हलकल्लोळ उडाला. कारण, न भूतो न भविष्यती असा प्रतिसाद या ट्रेलरला मिळाला. लोकांना हा ट्रेलर आवडला असता तर त्यात नवल नव्हतं. कारण यात अलिया भट्ट, आदित्या रॉय कपूर, संजय दत्त, पूजा भट्ट अशी स्टारकास्ट होती. पण झालं उलटंच. या ट्रेलरला लोकांनी नाकारलं. म्हणूनच या ट्रेलरला खूप डिस्लाईक्स मिळाले. अलिया भटचा आजवरचा सगळ्यात जास्त डिस्लाईक मिळवलेला ट्रेलर तो ठरला. असं असतानाच पूजा भट्टने आपलं निरीक्षण मांडून नवा वाद ओढवून घेण्याची शक्यता आहे.
पूजा भट्ट म्हणते, 'सडक २ चा ट्रेलर आला आणि तो दोन्ही बाजूच्या लोकांनी पाहिला. काहींना हा ट्रेलर आवडला तर काहींना हा ट्रेलर नाही आवडला. अनेकांनी त्याचा तिरस्कार केला. या दोन्ही बाजूंच्या लोकांमुळे सडक 2चा ट्रेलर हा यू ट्युबवर ट्रेंडिंगमध्ये नंबर 1 आहे.' तिच्या या वक्तव्यामुळे आता पुन्हा नवा वाद उफाळण्याची शक्यता नाही.
सडक 2 चा ट्रेलर बुधवारी सकाळी रिलीज झाला. त्यानंतर 24 तासांत तो जवळपास 90 लाखांपेक्षा जास्क तोकांनी पाहिला. त्यातल्या तब्बल 58 लाख लोकांनी हा ट्रेलर आवडला नसल्याचं सांगितलं आहे. तर केवळ 85 हजार लोकांनी हा ट्रेलर आवडल्याचं म्हटलं आहे. हिंदी सिनेमाच्या ट्रेलरला इतक्या मोठ्या प्रमाणात डिस्लाईक मिळण्याची ही पहिलीच वेळ आहे.
संबंधित बातम्या :