Marathi Actress : महाराष्ट्र भूषण अशोक सराफ (Ashok Saraf) यांनी आजवर अनेक सिनेमांच्या माध्यमातून प्रेक्षकांचं खळखळून मनोजरंजन केलं आहे. त्यामुळे सिनेसृष्टीतील त्यांचा अनुभव हा आजही सिनेसृष्टीमधील अनेक कलाकारांसाठी फार मोलाचा ठरतो. असाच काहीसा अनुभव एका मराठी अभिनेत्रीने (Marathi Actress) नुकताच शेअर केला आहे. तसेच अशोक सराफ रोज न चुकता आपली मालिका पाहतात, यामुळे होणारा आनंदही यानिमित्ताने या अभिनेत्रीने शेअर केलाय.
अभिनेत्री रसिका वाखरकरने अशोक सराफांसोबतचे काही फोटो शेअर केले आहेत. तिच्यासोबत या फोटोंमध्ये निवेदिता सराफ देखील दिसत आहेत. त्याचप्रमाणे मालिकेतील अभिनेता इंद्रनील कामत तिच्यासोबत आहे. ही मालिका दुसरी तिसरी कोणती नसून कलर्स मराठी वाहिनीवरील पिरतीचा वणवा उरी पेटला ही मालिका आहे. तसेच ही मालिका अशोक सराफ दररोज पाहतात असं देखील अभिनेत्रीने तिने शेअर केलेल्या पोस्टमध्ये सांगितलं आहे.
अभिनेत्रीने पोस्टमध्ये काय म्हटलं?
अभिनेत्रीने तिच्या सोशल मीडियाच्या पोस्टमध्ये म्हटलं की, मी कधीच सीरियल पाहत नाही. पण तुमची सीरियल मी न चुकता रोज बघतो - अशोक सराफ. पुढे तिने म्हटलं की, बास काय हवंय अजून? काल त्यांना पहिल्यांदा भेटण्याचा, त्यांच्याशी गप्पा मारण्याचा आणि इतकंच नाही तर त्यांच्यासोबत आमच्या मालिकेचा एपिसोड बघण्याचा योग आला.अविस्मरणीय दिवस!
पिरतीचा वणवा उरी पेटला ही मालिका कलर्स मराठी वाहिनीवर दररोज रात्री 10 वाजता प्रदर्शित केली जाते. या मालिकेत रसिका वाखरकर आणि इंद्रनील कामत हे दोघे महत्त्वाच्या भूमिकेत आहेत.