Orry on Salman Khan Photos: आपल्या भन्नाट ह्युमरसाठी ओळखला जाणारा ओरी (Orry), ‘खतरों के खिलाड़ी 15’ (Khatron ke Khiladi)चे होस्ट रोहित शेट्टीसह (Rohit Shetty) प्रेक्षकांची मनं जिंकली आहेत. शोदरम्यान रोहित शेट्टीने ओरीला म्हटलं, “मी ऐकलं आहे की तुला पेन्सिलची भीती वाटते.” यावर ओरीने आपल्या भीतीचं कारण सांगताना म्हटलं, “मला भीती वाटते की जर मी पेन्सिलने लिहित असताना मला शिंक आली, तर ती पेन्सिल माझ्या नाकात जाऊन मेंदूपर्यंत पोहोचेल आणि (Entertainment माझा मृत्यू होऊ शकतो.”
ओरीचा हा विचित्र भीतीचा किस्सा ऐकून सगळेच हसू लागतात. मात्र, त्याचवेळी एका सहस्पर्धकाने ओरीबद्दल असा खुलासा केला की, संपूर्ण संभाषणाला एक वेगळंच वळण मिळालं. ओरीच्या बोलण्यावर प्रश्न उपस्थित करत त्याने रोहित शेट्टीला सांगितलं, “सर, हा खोटं बोलतोय. हा आपल्या बेडजवळ सर्वात मोठ्या स्टार सलमान खानचा (Salman Khan) फोटो ठेवतो. मग याला पेन्सिलची भीती कशी वाटू शकते?”
सलमान खानबाबत ओरी नेमकं काय म्हणाला? (Orry Reveals He Keeps Salman Khans Photo Beside His Bed)
हे ऐकताच सगळे आश्चर्याने ओरीकडे पाहू लागतात. त्यानंतर ओरीने सलमान खान आपल्यासाठी किती खास आहे, हे सांगितलं. त्याने म्हटलं, “घरात आणि प्रत्येक ट्रिपमध्ये मी माझ्या बेडजवळ सलमान खानचा फोटो ठेवतो. मी जवळ चष्माही ठेवतो. त्यामुळे जेव्हा मला नीट दिसत नाही, तेव्हा सर्वात आधी माझा चष्मा लावतो आणि सलमानच्या फोटोचं दर्शन घेतो. यामुळे मला गुड लक मिळतं.”
ओरीची ही गोष्ट ऐकल्यानंतर रोहित शेट्टीने त्याला यामागचं कारण विचारलं. त्यावर ओरीने आपल्या करिअरमध्ये सलमान खानच्या महत्त्वपूर्ण योगदानाचा खुलासा केला. ओरी म्हणाला, “त्यांनी मला माझा पहिला यशस्वी ब्रेक दिला. त्यामुळे मी त्यांचा फोटो प्रत्येक ठिकाणी माझ्यासोबत ठेवतो.” ओरीचा हा खुलासा सलमान खानबद्दल त्याच्या मनात असलेलं खास प्रेम, आदर आणि जिव्हाळा दाखवतो. सलमानचा फोटो आता त्याच्यासाठी केवळ एक फोटो राहिलेला नसून, तो त्याचा लकी चार्म बनला आहे.
सलमान खानबद्दलच्या या खुलाशासोबतच ओरी ‘खतरों के खिलाड़ी 15’मध्ये आपल्या अनपेक्षित डेअरडेव्हिल अवतारानेही प्रेक्षकांना आश्चर्यचकित करत आहे. आपल्या व्हायरल इंटरनेट पर्सनॅलिटी आणि मजेशीर अंदाजासाठी ओळखला जाणारा ओरी शोमध्ये कठीण स्टंट्सचा सामना करताना दिसतोय. एका बाजूला त्याला पेन्सिलची भीती वाटते, तर दुसऱ्या बाजूला तो धोकादायक स्टंट्स अगदी बेधडकपणे पूर्ण करताना दिसतो. त्यातच सलमान खानचा फोटो त्याच्यासाठी लकी चार्म असल्याचं समोर आल्याने त्याच्या चाहत्यांची उत्सुकता आणखी वाढली आहे.
महत्त्वाच्या इतर बातम्या: