Riya Aher on Stopping Mumbai Police Van: दिल्लीतील (Delhi) जंतर - मंतर (Jantar Mantar) या ठिकाणी नीट पेपर फुटी प्रकरण आणि शिक्षण व्यवस्थेतील त्रुटींविरोधात 'कॉकरोज जनता पार्टी'ने आंदोलन पुकारले होते. या आंदोलनाची चर्चा देशभरात झााली. भारतातील कानाकोपऱ्यातील लोकांनी या आंदोलनात सहभाग घेतला होता. या आंदोलनातील अनेकांचे व्हिडीओ प्रचंड व्हायरल झाले. या आंदोलनातील एका हाताने पोलिसांची व्हॅन (Police Van) रोखून धरल्यामुळे तरुणी रिया अहिर हिची प्रचंड चर्चेत आली होती. तिचा फोटो प्रचंड व्हायरल झाला होता. दरम्यान, तिने पोलिसांच्या कारवाईविरोधात आणि ऑनलाइन ट्रोलिंगबाबत भाष्य केलं आहे. लोकसभेचे विरोधी पक्ष नेते राहुल गांधी (Rahul Gandhi) यांच्या पत्रकार परिषदेत तरुणीने यावर प्रतिक्रिया दिली.
व्हायरल गर्ल रिया अहिरचा रोष कुणावर? म्हणाली...(Riya Aher Statement on stopping Mumbai Police Van)
पत्रकार परिषदेत रिया म्हणाली, 'सर्वांना नमस्कार. मी रिया अहिर. तुम्ही लोक म्हणता की, ती मी हीच व्हायरल मुलगी आहे, जिने मुंबई पोलिसांची व्हॅन रोखून धरली होती. मी मीडियासमोर हे सांगू इच्छित आहे की, मी ती मुलगी आहे, जिने 20 मुलांना बेकायदेशीररित्या ताब्यात घेण्यापासून रोखले होते. कृपा करुन तुम्ही तुमचा नॅरेटिव्ह बदला. मी जे काही कार्य केलं आहे, त्यावरुन मला प्रचंड त्रास दिला जात आहे'.
'मी या गोष्टीला ट्रोलिंग नाही म्हणू शकत, ही ट्रोलिंग नाही आहे, हा एक क्राइम आहे. इतकंच नाही, जनताच नाही तर राजकीय पक्षातील कार्यकर्तेही सोशल मीडियावर पोस्ट शेअर करत आहेत. त्या पोस्टवर माझ्याबाबतीत वाईट - साईट बोललं जात आहे. ते म्हणत आहेत की, जे काही मी करत आहे, '140 रुपयांमध्ये मी देहविक्री करत आहे', तुम्हीच विचार करा की, अशा लोकांच्या डोक्यात किती घाणेरडे विचार भरलेले असतील'.
'27 जुलै रोजी मी याबाबतीत गुन्हा नोंदवला होता. पण आज 5 ऑगस्ट आहे, मला अजूनही एफआयआर मिळालेला नाही. ही लोक ना मुलींना शिक्षण घेऊ देत आहे, ना त्यांचं सरंक्षण करत आहेत. मी फक्त एवढंच सांगू इच्छित आहे की, आपण सर्वांची ही जाबाबदारी आहे की, ज्या मुलांसाठी मी ठामपणे उभी होती, आज तिच मुलं माझ्यासाठी उभी आहेत. नागरिक म्हणून आपण एकमेकांसाठी उभं राहायला हवं', असं रिया अहिर म्हणाली.
महत्त्वाच्या इतर बातम्या: